2023 ஆம் ஆண்டுக்கான சர்வதேச ஒருநாள் உலகக் கிண்ண கிரிக்கெட் போட்டி இன்று இந்தியாவின் அஹமதாபாத் விளையாட்டு மைதானத்தில் ஆரம்பமாக உள்ளது.
ஐசிசி ஆடவர் உலகக் கிண்ண கிரிக்கெட் தொடரின் தொடக்க போட்டியில் இங்கிலாந்து மற்றும் நியூசிலாந்து அணிகள் பலப்பரீட்சை நடத்தவுள்ளன.
எவ்வாறாயினும் இங்கிலாந்து மற்றும் நியூசிலாந்து தரப்பில் முக்கிய வீரர்கள் இன்று விளையாடமாட்டார்கள் என தெரிவிக்கப்படுகின்றது.
குறிப்பாக வேகப்பந்து வீச்சாளர் டிம் சவுத்தி மற்றும் கேன் வில்லியம்சன் ஆகியோர் நியூசிலாந்து அணியில் இடம்பெறமாட்டார்கள் என கூறப்படுகின்றது.
மறுபுறம் இங்கிலாந்து அணியின் நட்சத்திர சகலதுறை துடுப்பாட்ட வீரரான பென் ஸ்டோக்ஸ் விளையாடுவதில் சந்தேகம் உள்ளது.
ஜோஸ் பட்லர் தலைமையத்திலான இங்கிலாந்து அணியில் ஜொனி பேர்ஸ்டோவ், டேவிட் மாலன், ஜோ ரூட், பென் ஸ்டோக்ஸ் அல்லது ஹாரி ப்ரூக், லியம் லிவிங்ஸ்டன், மொயீன் அலி, சாம் கர்ரன், கிறிஸ் வோக்ஸ், அடில் ரஷித், மார்க் வூட் ஆகியோர் விளையாடுவார்கள் என எதிர்பார்க்கப்படுகின்றது.
இதேநேரம் டொம் லதம் தலைமையிலான நியூசிலாந்து அணியில் டெவோன் கொன்வே, வில் யங், டேரில் மிட்செல், க்ளென் பிலிப்ஸ், ஜிம்மி நீஷம் அல்லது ரச்சின் ரவீந்திரா, மிட்செல் சான்ட்னர், இஷ் சோதி, மாட் ஹென்றி, டிரெண்ட் போல்ட், லோக்கி பெர்குசன் ஆகியோர் விளையடுவார்கள் என எதிர்பார்க்கப்படுகின்றது.
