ரெயில்வே கட்டுப்பாட்டாளர்களினால் நேற்றைய தினம் முன்னெடுக்கப்பட்ட திடீர் பணிப்பகிஷ்கரிப்பு இன்றைய தினமும் ( 05) தொடர்வதாக இலங்கை ரெயில்வே கட்டுப்பாட்டாளர்கள் சங்கம் தெரிவித்துள்ளது.
ரெயில்வே பாதுகாப்பு அதிகாரியொருவர் உப ரெயில் கட்டுப்பாட்டாளர் மீது தாக்குதல் நடத்திய காரணத்தினாலேயே குறித்த பணிப்பகிஷ்கரிப்பு முன்னெடுக்கப்பட்டுள்ளதாக அச்சங்கத்தின் பிரதம செயலாளர் K.D.D.பிரசாத் தெரிவித்துள்ளார்.
இந்நிலையில் பணிப்பகிஷ்கரிப்பு காரணமாக ரயில் சேவைகளில் தாமதம் ஏற்படலாம் என ரெயில்வே திணைக்களம் தெரிவித்துள்ளது.
அத்துடன் வேலைநிறுத்தத்திற்கு காரணமான சம்பவம் தொடர்பில் உள்ளக விசாரணை ஆரம்பிக்கப்பட்டுள்ளதாகவும் திணைக்களம் தெரிவித்துள்ளது.
இந்நிலையில் குறித்த பணிப்பகிஷ்கரிப்பினால் ஏராளமான பொதுமக்கள் பாதிப்படைந்துள்ளனர் எனத் தெரிவிக்கப்பட்டுள்ளது.
