கண்டி – கலஹா, சுதுவெல்ல பகுதியில் பாலமொன்றைக் கடக்க முற்பட்ட சிறுவனொருவன் நீரில் அடித்துச் செல்லப்பட்டு காணாமற்போயுள்ள சம்பவம் பெரும் பரபரப்பை ஏற்படுத்தியுள்ளது.
குறித்த சிறுவன் நேற்று பாடசாலையில் இருந்து தனது வீட்டுக்கு சென்றுகொண்டிருந்த போது பாலமொன்றை கடக்க முற்பட்டதாகவும், இதன்போது எதிர்பாராத விதமாக நீரில் விழுந்துள்ளார் எனவும் கூறப்படுகின்றது.
இதனையடுத்து பிரதேச மக்கள் வழங்கிய தகவலுக்கு அமைய, நேற்றைய தினம் தேடுதல் நடவடிக்கைகள் முன்னெடுக்கப்பட்டிருந்ததாகவும் எனினும், குறித்த பகுதியில் நிலவிய சீரற்ற வானிலை காரணமாக, தேடுதல் பணிகள் இடைநிறுத்தப்பட்டதாகவும் தெரிவிக்கப்பட்டுள்ளது.
இந்நிலையில், இன்று மீண்டும் தேடுதல் பணிகள் இடம்பெறவுள்ளதாகத் தெரிவிக்கப்பட்டுள்ளது.
