உலக தரவரிசையில் முதல் 8 இடங்களை பிடிக்கும் வீராங்கனைகளுக்காக இடம்பெறும் டபிள்யூ.டி.ஏ. பைனஸ்ல் டென்னிஸ் போட்டி ஒன்றில் அரினா சபலெங்கா தோல்வியடைந்துள்ளார்.
ஆண்டு தோறும் நடத்தப்படும் டபிள்யூ.டி.ஏ. பைனஸ்ல் டென்னிஸ் தொடரில் உலகின் முதல்நிலை வீராங்கனையான அரினா சபலெங்கா, ஜெசிகா பெகுலாவிடம் நேர் செட்களில் தோல்வியடைந்தார்.
இன்று நடைபெற்ற போட்டியில் 6-4 மற்றும் 6-3 என்ற நேர் செட்களில் உலகின் 5 ஆம் நிலை வீராங்கனையான அமெரிக்காவின் ஜெசிகா பெகுலா வெற்றிபெற்றார்.
இதற்கு முன்னர் ஞாயிற்றுக்கிழமை மாலை நடைபெற்ற ஆரம்ப போட்டியில் சபலெங்காவும் பெகுலாவும் தலா ஒவ்வொரு வெற்றியை பெற்றிருந்தனர்.
இன்று நடைபெற்ற போட்டியில் வெற்றிபெற்றதன் மூலம் தான் மோதிய இரண்டு போட்டிகளிலும் வெற்றி பெற்றுள்ள ஜெசிகா பெகுலாவிற்கு அரையிறுதிக்கு செல்வதற்கான வாய்ப்பு பிரகாசமாகியுள்ளது.
இதேவேளை எதிர்வரும் 3 ஆம் திகதி இடம்பெறவுள்ள மற்றுமொரு குழுநிலை போட்டியில் உலகின் 8 ஆம் நிலை வீராங்கனையான மரியா சக்காரியை அவர் எதிர்கொள்ளவுள்ளார்.
