2023 ஆம் ஆண்டுக்கான உலகக்கிண்ண தொடரின் நியூசிலாந்து அணிக்கு எதிரான போட்டியில் இலங்கை அணி 171 ஓட்டங்களுக்குள் சுருண்டுள்ளது.
பெங்களூரில் நடைபெறும் இப்போட்டியில் நாணய சுளர்ச்சியில் வென்ற நியூசிலாந்து அணி முதலில் களத்தடுப்பை தெரிவு செய்ய இலங்கை அணி முதலில் துடுப்பெடுத்தாடியது.
அதன்படி முதலில் களமிறங்கிய இலங்கை அணி 46.4 ஓவர்கள் நிறைவில் அனைத்து விக்கெட்களையும் இழந்து 171 ஓட்டங்களை பெற்றுக்கொண்டது.
அவ்வணி சார்பாக குஷால் பெரேரா 51 ஓட்டங்களை பெற்றுகொண்ட அதேவேளை மகேஷ் தீக்ஷன ஆட்டமிழக்காமல் 39 ஓட்டங்களை பெற்றுக்கொடுத்தார்.
பந்துவீச்சில் டிரெண்ட் போல்ட் 3 விக்கெட்களையும் லொக்கி பெர்குசன், மிட்செல் சான்ட்னர் மற்றும் ரச்சின் ரவீந்திரன் ஆகியோர் தலா இரண்டு விக்கெட்களை வீழ்த்தினர்.
