13 வயதான சிறுவனொருவன் தூக்கில் தொங்கிய நிலையில் மலசல கூடத்தில் இருந்து சடலமாக மீட்கப்பட்டுள்ள சம்பவம் சாய்ந்த மருதில் பெரும் பரபரப்பை ஏற்படுத்தியுள்ளது.
அம்பாறை மாவட்டம் சாய்ந்தமருது சந்தை வீதியில் அமைந்துள்ள மதரஸா ஒன்றில் இருந்தே நேற்றிரவு குறித்த சிறுவனின் சடலம் மீட்கப்பட்டுள்ளது.
மட்டக்களப்பு மாவட்டம் காத்தான்குடி பகுதியை சேர்ந்த குறித்த சிறுவன் அம் மதரஸாவில் கல்வி கற்று வந்துள்ள நிலையிலேயே இவ்வாறு உயிரிழந்துள்ளான்.
இந்நிலையில் குறித்த சிறுவனின் பெற்றோர் தமது பிள்ளையின் மரணத்தில் மர்மம் இருப்பதாகவும் முறையான விசாரணை அவசியம் எனவும் கேட்டுக்கொண்டனர்.
இதே வேளை குறித்த மத்ரஸாவினை சுற்றி பொதுமக்கள் குவிந்தமையினால் சாய்ந்தமருது பொலிஸார் சம்பவ இடத்திற்குச் சென்று நிலமையை கட்டுப்பாட்டினுள் கொண்டு வந்தனர்.
இதனையடுத்து குறித்த மதரஸாவின் நிர்வாகியைக் கைது செய்த பொலிஸார் இது குறித்த மேலதிக விசாரணைகளை முன்னெடுத்து வருகின்றனர்.
