இலங்கை கிரிக்கெட் நிறுவனத்தால் நடத்தப்படும் உள்ளூர்ஒருநாள் தொடரான மேஜர் கிளப்ஸ் தொடரில், சிங்களீஸ் ஸ்போட்ஸ் கழக அணி 71 ஓட்டங்கள் வித்தியாசத்தில் வெற்றிபெற்று சம்பியன் கிண்ணத்தை வென்றுள்ளது.
கொழும்பு எஸ் எஸ் சி மைதானத்தில் நடைபெற்ற இறுதிப் போட்டியில், சிங்களீஸ் ஸ்போட்ஸ் கழக அணியும் செபஸ்டியனிடிஸ் அணியும் மோதின.
இப்போட்டியில் நாணய சுழற்சியில் வெற்றிபெற்ற சிங்களீஸ் ஸ்போட்ஸ் கழக அணி, முதலில் துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாடிய சிங்களீஸ் ஸ்போட்ஸ் கழக அணி, நிர்ணயிக்கப்பட்ட 50 ஓவர்கள் நிறைவில் 8 விக்கெட்டுகள் இழப்புக்கு 201 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டமாக கிரிசான் சஞ்சுல 84 ஓட்டங்களை பெற்றுக்கொண்டார்.
இதனைத்தொடர்ந்து 202 என்ற வெற்றி இலக்கை நோக்கி பதிலுக்கு களமிறங்கிய செபஸ்டியனிடிஸ் அணியால், 42 ஓவர்கள் நிறைவில் அனைத்து விக்கெட்டுகளையும் இழந்து 130 ஓட்டங்களை மட்டுமே பெற முடிந்தது. இதனால் செபஸ்டியனிடிஸ் அணி 71 ஓட்டங்களால் வெற்றிபெற்று சம்பியன் பட்டத்தை வென்றது.
சம்பியன் பட்டம் வென்ற அணிக்கு இலங்கை மதிப்பில் 10 லட்சம் ரூபாயும் இரண்டாம் இடம் பிடித்த அணிக்கு ஏழரை இலட்சம் ரூபாயும் வழங்கப்பட்டது.
