குருணாகல் – நாரம்மல பகுதியில் இடம்பெற்ற துப்பாக்கிச் சூட்டுச் சம்பவம் தொடர்பாகக் கைதுசெய்யப்பட்ட சந்தேகநபர் இன்று (வெள்ளிக்கிழமை) நாரம்மல நீதிமன்றத்தில் முன்னிலைப்படுத்தப்பட்டபோது, எதிர்வரும் 23 ஆம் திகதிவரை அவரை விளக்கமறியல் வைக்குமாறு நீதிமன்றத்தினால் கட்டளை பிறப்பிப்பட்டுள்ளது.
குருணாகல் – நாரம்மல பகுதியில் நேற்று பொலிஸாரினால் மேற்கொள்ளப்பட்ட துப்பாக்கிச் சூட்டுக்கு இலக்காகி குடும்பஸ்தர் ஒருவர் உயிரிழந்துள்ள சம்பவமானது அங்கு பெரும் பதற்றத்தை ஏற்படுத்தியுள்ளது.
இதையடுத்து நாரம்மல பொலிஸ் நிலையத்திற்கு முன்பாக ஒன்றுக்கூடிய பொது மக்கள், பொலிஸாரின் நடவடிக்கைக்கு எதிர்ப்பினை வெளியிட்டு கடும் சர்ச்சையிலும் ஈடுபட்டுள்ளனர்.
மேலும், இந்தச் சம்பவம் தொடர்பான காணொளி, சமூக வலையத்தளத்தில் வெளியாகியுள்ள நிலையில், இது சமூக மட்டத்தில் தற்போது பெரும் பேசுபெருளாக மாறியுள்ளது.
மேலும் சம்பவத்தில் கைது செய்யப்பட்டுள்ள குறிப்பிட்ட பொலிஸ் உத்தியோகத்தர் தனது கடமைகளை முன்னெடுக்கும் போது உரிய நடைமுறைகளை பின்பற்றவில்லை என்பதும் ஆரம்பகட்ட விசாரணைகளில் தெரியவந்துள்ளமையும் குறிப்பிடத்தக்கது.
