இலங்கை அணிக்கு எதிரான டெஸ்ட் போட்டியில் மதியநேர இடைவேளையின் போது ஆப்கானிஸ்தான் அணி 2 விக்கெட்களை இழந்து 90 ஓட்டங்களை குவித்துள்ளது.
இலங்கை மற்றும் ஆப்கானிஸ்தான் அணிகளுக்கு இடையிலான டெஸ்ட் போட்டி ஆரம்பமாகியுள்ள நிலையில் நாணய சுழற்சியில் வெற்றிபெற்ற இலங்கை அணி முதலில் களத்தடுப்பை தெரிவு செய்துள்ளது.
அதன்படி முதலில் களமிறங்கிய ஆப்கானிஸ்தான் அணிக்கு முதலாவது ஓரின் இரண்டாவது பந்தில் இப்ராஹிம் சத்ரான் எல்.பி.டபிள்யூ முறையில் எவ்வித ஓட்டங்களையும் பெறாமல் ஆட்டமிழந்து வெளியேறினார்.
இதனை தொடந்து நூர் அலி மற்றும் ரஹ்மட் ஷா ஆகியோரின் சிறந்த இணைப்பாட்டம் காரணமாக முதல்பாதி தேநீர் இடைவேளையில் 50 ஓட்டங்களை பெற்றுக்கொண்டது.
இதன்பின்னர் 46 பந்துகளில் 4 நான்கு ஓட்டங்கள் அடங்கலாக 31 ஓட்டங்களை பெற்றுக்கொண்ட நூர் அலி, விஸ்வ பெர்னாண்டோவின் பந்துவீச்சில் பிடிகொடுத்து ஆட்டமிழந்து வெளியேறினார். இதன்போது ஆப்கானிஸ்தான் அணி 14.3 ஓவர்களில் 57 ஓட்டங்களை பெற்றிருந்தது.
இதனை தொடந்து வந்த அணித்தலைவர் ஹமதுல்லா ஷாகிதி 11 ஓட்டங்களையும் மறுமுனையில் சிறப்பாக துடுப்பெடுத்தாடிவரும் ரஹ்மத் ஷா 48 ஓட்டங்களுடன் ஆட்டமிழக்காமல் களத்தில் இருக்க 25 ஆவது ஓவர் நிறைவில் 2 விக்கெட்களை மாத்திரமே இழந்து 90 ஓட்டங்களை ஆப்கான் அணி பெற்றுள்ளது.
இலங்கை அணியின் பந்துவீச்சில் அசித பெர்னாண்டோ மற்றும் விஸ்வ பெர்னாண்டோ ஆகியோர் தலா ஒரு விக்கெட்டினை வீழ்த்தினர்.
