மான்செஸ்டரில் உள்ள பெஸ்விக் நகரில் இடம்பெற்ற விபத்துச் சம்பவம் தொடர்பாக இருவர் கிரேட்டர் மான்செஸ்டர் பொலிசாரால் கைது செய்யப்பட்டுள்ளனர்.
மான்செஸ்டரில் உள்ள பெஸ்விக் நகரில் லாண்ட் ரோவர் காரில் மோதி ஒருவர் உயிரிழந்திருந்தார்.
இவ்விடயம் தொடர்பாக கிரேட்டர் மான்செஸ்டர் பொலிசார் ஞாயிற்றுக்கிழமை பிற்பகல் இரண்டு பேரை கைது செய்துள்ளதுடன், அவர்களிடம் தற்போது புலனாய்வுப் பிரிவினர் விசாரணை நடத்தி வருவதாகவும் தெரிவிக்கப்பட்டுள்ளது.
காரினைத் திருட முற்பட்டபோது ஏற்பட்ட தகராறின்போதே குறித்த நபர் உயிரிழந்துள்ளதாக ஆரம்பக்கட்ட விசாரணைகளில் தெரியவந்துள்ளதாக கிரேட்டர் மான்செஸ்டர் பொலிசார் தெரிவித்துள்ளனர்.
இதனடிப்படையில், கொலைச் சந்தேகத்தின் பேரில் 35 வயதுடைய நபர் ஒருவரும், குற்றவாளிக்கு உதவிய சந்தேகத்தின் பேரில் 43 வயதுடைய இரண்டாவது நபரும் கைது செய்யப்பட்டுள்ளனர்.
கைது செய்யப்பட்ட இருவரையும் பொலிஸ் காவலில் எடுத்து விசாரணைகளை முன்னெடுத்து வருவதாக பொலிஸார் மேலும் தெரிவித்துள்ளனர்.
