ஐஎஸ்ஐஎஸ் பயங்கரவாத அமைப்பின் இந்தியாவுக்கான தலைவன் ஹரிஸ்ஃபரூக்கி மற்றும் அவரது நண்பன் ரெஹான் ஆகியோர் அசாமில் வைத்து கைது செய்யப்பட்டுள்ளனர்.
இவர்கள் பங்களாதேஷில் பதுங்கியிருந்து, ஐஎஸ்ஐஎஸ் பயங்கரவாத அமைப்புக்கு ஆட்களை சேர்த்தல், நிதி திரட்டுதல் மற்றும் இந்தியாவில் பல்வேறுப்பட்ட நாசகார வேலைகளில் ஈடுபடுதல் போன்ற பல்வேறு குற்றச்செயல்களில் ஈடுபட திட்டமிட்டிருந்ததாக குறிப்பிடப்படுகின்றது.
இந்நிலையில், குறித்த இருவரும் அசாமின் துப்ரு பகுதிக்கு வந்திருப்பதாக கிடைத்த தகவலுக்கமைய, தேடுதல் நடவடிக்கையில் ஈடுபட்ட பொலிஸார் இருவரையும் கைதுசெய்துள்ளனர்.
மேலும், ஹரிஸ்ஃபரூக்கி மற்றும் அவரது நண்பன் ரெஹான், தேடப்படும் நபர்களின் பட்டியலில் ஏற்கனவே அறிவிக்கப்பட்டுள்ள நிலையில், இருவரையும் என்ஐஏவிடம் ஒப்படைக்க உள்ளதாக பொலிஸார் தெரிவித்தனர்.
