பதுளை மத்திய பஸ் நிலையத்தில் நேற்று மாலை இடம்பெற்ற மோதலில் இலங்கை போக்குவரத்து சபையின் இரண்டு ஊழியர்கள் காயமடைந்த நிலையில் வைத்தியசாலையில் அனுமதிக்கப்பட்டுள்ளனர்.
பதுளை – முத்தெடுவேகமவிற்கு இடையிலான போக்குவரத்து சேவையில் ஈடுபடுகின்ற தனியார் பஸ் ஊழியர்களுக்கும் இலங்கை போக்குவரத்துச் சபை ஊழியர்களுக்கும் இடையில் நேற்று மாலை இடம்பெற்ற மோதலில் இருவர் வைத்தியசாலையில் அனுமதிக்கப்பட்டுள்ளனர்.
அத்துடன் தனியார் பஸ்சின் சாரதி மற்றும் உதவியாளர் சந்தேகத்தின் பேரில் கைது செய்யப்பட்டுள்ளதாக பதுளை பொலிஸார் தெரிவித்தனர்.
தனியார் பஸ் சாரதி, சேவை இயங்கும் நேரம் குறித்த வாக்குவாதத்தின் காரணமாக இலங்கை போக்குவரத்து சபையின் சாரதி மற்றும் நடத்துனரை கத்தியால் குத்தியதாகவும் பொலிஸார் குறிப்பிட்டுள்ளனர்.
இந்த சம்பவத்தையடுத்து, ஊழியர்கள் குழுவொன்று தனியார் பஸ் மீது தாக்குதல் நடத்தி சேதம் விளைவித்துள்ளமையினால் அங்கு பெரும் பரபரப்பு ஏற்பட்டிருந்தது.
