களுத்துறை தெற்கு பொலிஸ் பிரிவிற்குற்பட்ட இசுரு உயன பகுதியில் உள்ள வீடொன்றிலிருந்து இரு வயோதிபப் பெண்களின் சடலங்கள் கண்டெடுக்கப்பட்டுள்ளன.
களுத்துறை தெற்கு பொலிஸ் பிரிவிற்குற்பட்ட இசுரு உயன பகுதியில் உள்ள வீடொன்றிலிருந்து துர்நாற்றம் வீசுவதாக அயலவர்கள் அளித்த முறைப்பாட்டையடுத்து, அப்பகுதிக்கு வருகைத் தந்திருந்த பொலிஸார், குறித்த வீட்டை பரிசோதனை செய்துள்ளனர்.
இதன்போதே குறித்த சடலங்களைக் கண்டெடுத்துள்ளனர்.
65 மற்றும் 79 வயதுடைய இரண்டு வயோதிபப் பெண்களே இவ்வாறு இறந்த நிலையில் சடலங்களாக கண்டெடுக்கப்பட்டுள்ளனர்.
குறித்த வீட்டில் தனிமையில் வசித்த இந்த இரண்டு பெண்களும் கடந்த சில வாரங்களாக காணாமல் போயிருந்த நிலையில், இவர்கள் இருவரும், சில நாட்களுக்கு முன்னர் உயிரிழந்திருக்கலாம் என பொலிஸார் தெரிவித்துள்ளனர்.
சடலங்களை கைப்பற்றி, பிரேதபரிசோதனைக்காக அனுப்பி வைத்துள்ள களுத்துறை தெற்கு பொலிஸார், இது இயற்கை மரணமா அல்லது கொலையா என்பது தொடர்பாக மரண பரிசோதனை அறிக்கைக்குப் பின்னரே கூறமுடியும் எனக் குறிப்பிட்டுள்ளனர்.
இச்சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர் என்பது குறிப்பிடத்தக்கது.
