ஒடிஷாவில் இரண்டு மாற்றங்கள் நடந்து கொண்டிருக்கிறது. அதிலொன்று, நாட்டில் சக்திவாய்ந்த அரசு அமைவது, மற்றொன்று ஒடிஷாவில் பாஜக தலைமையிலான ஆட்சி அமைவது என என இந்திய பிரதமர் நரேந்திர மோடி தெரிவித்துள்ளார்.
பெஹ்ராம்பூரில் இன்று(6) நடைபெற்ற பொதுக்கூட்டத்தில் கலந்து கொண்டு பாஜக வேட்பாளர்களை ஆதரித்து பிரச்சாரத்தில் ஈடுபட்டபோதே பிரதமர் நரேந்திர மோடி இவ்வாறு தெரிவித்தார்.
இதன்போது, ஒடிஷாவில் இரட்டை எஞ்சின் அரசாங்கம் அமையவுள்ளமை மக்களின் உற்சாகத்தில் தெரிவதாக பிரதமர் நரேந்திர மோடி தெரிவித்துள்ளார்.
மேலும், ஜூன் 4 ஆம் திகதி, பிஜு ஜனதா தள அரசு காலாவதியாகும் நாள் என தெரிவித்த அவர், அன்றைய தினம் பாஜகவின் முதல்வர் யார் என்பது அறிவிக்கப்படும் என தெரிவித்துள்ளார்.
அந்த நபர் புவனேஷ்வரில் ஜூன் 10 ஆம் திகதி அவர் முதல்வராக பதவியேற்கும் நிகழ்வுக்கு தற்போதே அனைவருக்கும் அழைப்பு விடுப்பதாகவும் பிரதமர் நரேந்திர மோடி நம்பிக்கை வெளியிட்டுள்ளார்.
ஒடிஷாவை பல ஆண்டுகளாக பிஜு ஜனதா தளம் ஆட்சி செய்து வருகிறது. ஒடிஸாவில் தண்ணீர், விவசாயம், நீண்ட கடற்பரப்பு, கனிம தாதுக்கள், வரலாறு, பாரம்பரியம் என அனைத்தும் உள்ளன. இருப்பினும், ஒடிஷா மக்கள் ஏன் ஏழைகளாக உள்ளனர்? என பிரதமர் கேள்வியெழுப்பினார்.
மேலும், காங்கிரஸும் பிஜு ஜனதா தளமும் கொள்ளையடித்ததுதான் ஒடிஸா மக்களின் இந்த நிலைக்கு காரணம் என குற்றஞ்சாட்டிய பிரதமர் நரேந்திமோடி, பிஜு ஜனதா தளத்தின் சிறிய தலைவர்களும் பெரிய பங்களாக்களுக்கு சொந்தகாரர்களாக உள்ளனர் என அவர் விமர்சித்தார்.
ஒடிஷாவில் மக்களவைத் தேர்தலும், சட்டப்பேரவைத் தேர்தலும் இரண்டு கட்டங்களாக எதிர்வரும் மே மாதம் 13 திகதி மற்றும் ஜூன் மாதம் 1 ஆம் திகதி நடைபெறவுள்ளது.
இந்நிலையில், அரசியல் கட்சிகளின் பிரசாரங்கள் அம் மாநிலத்தில் தீவிரமடைந்து வருகிறது.
