பிரித்தானியாவில் பொதுத்தேர்தலுக்கான வாக்குப்பதிவு இடம் பெற்றுக்கொண்டிருக்கும் நிலையில், பிரித்தானிய பிரதமர் ரிஷி சுனக் தனது மனைவியுடன் சென்று வாக்களித்துள்ளதாக அந்நாட்டு செய்திகள் தெரிவிக்கின்றன.
பிரித்தானியாவில் அடுத்த நாடாளுமன்றத்தைத் தோ்ந்தெடுக்கும் தேர்தலுக்கான வாக்குப்பதிவு இன்று ஆரம்பமாகி நடைபெற்று வருகிறது.
நாடு முழுவதும் சுமார் 40 ஆயிரம் வாக்குச்சாவடி மையங்கள் அமைக்கப்பட்டுள்ளன.
அந்நாட்டு நேரப்படி இன்று காலை 7 மணிக்கு வாக்குப்பதிவு ஆரம்பமான நிலையில், இரவு 10 மணி வரை வாக்குப்பதிவு நடைபெறும் என அறிவிக்கப்பட்டுள்ளது.
அத்துடன், இவ்வாண்டு முதல் வாக்களிக்க அடையாள கட்டாயமாக்கப்பட்டுள்ளது.
உடனடியாக வாக்கு எண்ணிக்கை நடத்தப்பட்டு முடிவுகளும் வெளியாகும் என எதிர்பார்க்கப்படுகிறது.
இந்நிலையில், வாக்குப்பதிவுகளுக்காக அமைக்கப்பட்டுள்ள அனைத்து வாக்குச்சாவடிகளும் திறக்கப்பட்டுள்ளதுடன், மக்களும் தமது வாக்குகளை பதிவு செய்து வருகின்றனர்.
நாட்டின் புதிய அரசைத் தீா்மானிக்கக் கூடிய இந்தத் தோ்தலில், நாடாளுமன்ற கீழவையான மக்களவையின் (house of commons) 650 இடங்களுக்கும் புதிய உறுப்பினா்கள் தோ்ந்தெடுக்கப்படுவர்.
எனவே, 326 தொகுதிகளில் வெற்றிபெற்று பெரும்பான்மையை பெற்றால்தான் பிரித்தானியாவில் ஆட்சியமைக்க முடியும்.
இந்தத் தோ்தலில் எதிா்க்கட்சித் தலைவா் கியொ் ஸ்டாா்மா் தலைமையிலான தொழிலாளா் கட்சிக்கே வெற்றி வாய்ப்பு அதிகம் என்று கருத்துக் கணிப்புகள் தெரிவித்திருந்தன.
இந்திய வம்சாவளியைச் சோ்ந்த பிரதமா் ரிஷி சுனக் தலைமையிலான கன்சா்வேட்டிவ் கட்சி இந்தத் தோ்தலில் மிகப் பெரிய தோல்வியைச் சந்திப்பார் என கருத்துக்கணிப்புக்கள் தெரிவிக்கின்றன.
