மகாஜனா – ஸ்கந்தா மோதும் “வீரர்களின் போர்” என வர்ணிக்கப்படும் மாபெரும் துடுப்பாட்டப் போட்டி நேற்று ஆரம்பமாகியது.
இந்நிலையில், போட்டியில் முதலாவது இனிங்ஸுக்காக துடுப்பெடுத்தாடிய ஸ்கந்தா 67 ஓவர்களில் அனைத்து இலக்குகளையும் இழந்து 196 ஓட்டங்களைப் பெற்றது. பதிலுக்கு முதலாவது இனிங்ஸுக்காக துடுப்பெடுத்தாடும் மகாஜனா ஆட்டநேர முடிவில் 28 ஓவர்களில் 5 விக்கெட்டுக்களை இழந்து 99 ஓட்டங்களைப் பெற்றுள்ளது.
முதலாவது இனிங்ஸில் ஸ்கந்தா சார்பில் தர்மிலன் 45 ஓட்டங்களையும் டிலக்சன் 39 ஓட்டங்களையும் பிரணவன் 28 ஓட்டங்களையும் சீராளன் 23 ஓட்டங்களையும் பெற்றுள்ளனர். மகாஜனா சார்பில் ஜோவெல் றொசான் 73 ஓட்டங்களை விட்டுக்கொடுத்து 8 விக்கெட்டுக்களை வீழ்த்தினார்.
முதலாவது இனிங்ஸிற்காக பதிலளித்து துடுப்பெடுத்தாடும் மகாஜனா இன்றைய ஆட்டநேர முடிவில் 28 ஓவர்களில் 5 விக்கெட்டுக்களை இழந்து 99 ஓட்டங்களைப் பெற்றது. துடுப்பாட்டத்தில் கஜித் 20 ஓட்டங்களையும் அபிசாந் 16 ஓட்டங்களையும் ஜோவெல் றொசான் ஆட்டமிழக்காமல் 18 ஓட்டங்களையும் பெற்றுள்ளனர். ஸ்கந்தா சார்பில் பந்துவீச்சில் கஜானன் 3 விக்கெட்டுக்களை கைப்பற்றியுள்ளார்.
