பேட்டரியில் இயங்கும் கார்களுக்கான உலகளாவிய தேவை தொடர்ந்து மென்மையாகி வருவதால், டொயோட்டா அமெரிக்காவில் எலக்ட்ரிக் வாகன (EV) உற்பத்திக்கான தொடக்க திகதியை ஒத்தி வைத்துள்ளது.
ஜப்பானிய மோட்டார் தொழில் நிறுவனமானது 2025 இன் பிற்பகுதியில் அல்லது 2026 ஆம் ஆண்டின் தொடக்கத்தில் உற்பத்தியைத் அமெரிக்காவில் தொடங்குவதை நோக்கமாகக் கொண்டுள்ளது.
டொயோட்டா தனது அமெரிக்க எலக்ட்ரிக் வாகன செயல்பாட்டை 2026 இல் குறிப்பிடப்படாத நேரத்தில் தொடங்க எதிர்பார்க்கிறது என்று நிறுவனத்தின் செய்தித் தொடர்பாளர் ஒருவர் பிபிசி செய்தியிடம் கூறியுள்ளார்.
2026 ஆம் ஆண்டிற்குள் 1.5 மில்லியன் வாகனங்களை இலக்காகக் கொண்ட எங்கள் உலகளாவிய இலக்கில் நாங்கள் இன்னும் கவனம் செலுத்துகிறோம் என்று டொயோட்டா செய்தித் தொடர்பாளர் ஸ்காட் வசின் கூறியுள்ளார்.
இந்த ஆண்டின் தொடக்கத்தில் நிறுவனம், தனது அமெரிக்க கென்டக்கி தொழிற்சாலையில் மின்சார வாகனத்தை உருவாக்கும் திட்டத்தின் ஒரு பகுதியாக 1.3 பில்லியன் அமெரிக்க டொலர்களை (£980m) முதலீடு செய்வதாக அறிவித்தது.
இந்தியானாவில் உள்ள ஆலையில் மற்றொரு மின்சார வாகனத்தை உருவாக்கும் திட்டத்தையும் நிறுவனம் அறிவித்துள்ளது.
