ஜனாதிபதி அநுரகுமார திஸாநாயக்க இன்று (25) இலங்கையில் உள்ள இராஜதந்திர தூதரகங்களின் பிரதிநிதிகளுடன் தொடர் சந்திப்புகளை நடத்த உள்ளார்.
ஜனாதிபதியின் ஊடகப் பிரிவு (PMD) தகவலின் படி,
ஜனாதிபதி தென்னாபிரிக்கா மற்றும் நியூசிலாந்து உயர்ஸ்தானிகர்கள், ஈரான், மியான்மர் தூதுவர்கள் மற்றும் ஐரோப்பிய ஒன்றியத்தின் தூதுக்குழுவினருடன் கலந்துரையாடல்களில் ஈடுபடுவார்.
ஜனாதிபதி செயலகத்தில் நடைபெறும் இந்தக் கலந்துரையாடல்களில் இருதரப்பு உறவுகளை வலுப்படுத்துவது மற்றும் முக்கிய துறைகளில் எதிர்கால ஒத்துழைப்புக்கான வழிகளை ஆராய்வது குறித்து கவனம் செலுத்தப்படும்.
வலுவான சர்வதேச பங்காளித்துவங்களை பேணுவதற்கான இலங்கையின் அர்ப்பணிப்பை பிரதிபலிக்கும் வகையில், இராஜதந்திர உறவுகளை மேம்படுத்துவது, பொருளாதார, அரசியல் மற்றும் சமூக முன்னணிகளில் ஒத்துழைப்பை மேம்படுத்துவதையும் இந்த சந்திப்புகள் நோக்கமாகக் கொண்டுள்ளதாக தெரிவிக்கப்படுகிறது.
