அமெரிக்க இராணுவத்தால் ஒப்பந்தம் செய்யப்பட்ட விமானம் ஒன்று தெற்கு பிலிப்பைன்ஸில் உள்ள நெல் வயலில் விழுந்து நொறுங்கி விபத்துக்குள்ளாகியுள்ளது.
வியாழக்கிழமை (06) இடம்பெற்ற இந்த விபத்தில் ஒரு அமெரிக்க சேவை உறுப்பினர் மற்றும் மூன்று பாதுகாப்பு ஒப்பந்ததாரர்கள் உயிரிழந்துள்ளதாக அமெரிக்க இந்தோ-பசுபிக் கட்டளை தெரிவித்துள்ளது.
விமானம் “எங்கள் பிலிப்பைன்ஸ் நட்பு நாடுகளின் வேண்டுகோளின் பேரில் உளவுத்துறை, கண்காணிப்பு மற்றும் உளவுத்துறை ஆதரவை வழங்கும்” ஒரு வழக்கமான பணியை நடத்திக்கொண்டிருந்ததாக கட்டளை ஒரு அறிக்கையில் தெரிவித்துள்ளது.
விபத்துக்கான காரணம் இன்னும் கண்டறியப்பாடத நிலையில் விசாரணைகள் ஆரம்பிக்கப்பட்டுள்ளன.
Maguindanao del Sur மாகாணத்தில் இராணுவ விமானம் விபத்துக்குள்ளானதை பிலிப்பைன்ஸின் சிவில் விமானப் போக்குவரத்து ஆணையமும் உறுதிப்படுத்தியுள்ளது.
ஏனைய விவரங்களை உடனடியாக அவர்கள் வழங்கவில்லை.
அம்பட்டுவான் நகரில் இடிபாடுகளில் இருந்து நான்கு பேரின் உடல்கள் மீட்கப்பட்டதாக அதிகாரிகள் தெரிவித்தனர்.
அதேநேரம், விமானம் விபத்துக்குள்ளான போது, சம்பவம் நடந்த இடத்தின் அருகில் இருந்த எவருக்கும் பாதிப்பு ஏற்படவில்லை என்றும் கூறப்படுகிறது.
எனினும், விமானம் விபத்தின் விளைவாக தரையில் இருந்த ஒரு எருமை இறந்ததாக உள்ளூர் அதிகாரிகள் தெரிவித்தனர்.
இஸ்லாமிய போராளிகளுடன் போரிடும் பிலிப்பைன்ஸ் படைகளுக்கு அறிவுரைகளையும் பயிற்சிகளையும் வழங்குவதற்காக பல தசாப்தங்களாக நாட்டின் தெற்கில் உள்ள பிலிப்பைன்ஸ் இராணுவ முகாமில் அமெரிக்கப் படைகள் நிறுத்தப்பட்டுள்ளன.
இப்பகுதி ரோமன் கத்தோலிக்க தேசத்தில் சிறுபான்மை முஸ்லிம்களின் தாயகமாக உள்ளது.
