பாகிஸ்தானுக்கு புதிய மேம்பட்ட நடுத்தர தூர வான்வழி ஏவுகணைகள் (AMRAAMs) வழங்கப்படாது என்று அமெரிக்க தூதரகம் வெள்ளிக்கிழமை (10) தெளிவுபடுத்தியது.
இரு நாடுகளுக்கும் இடையிலான இராஜதந்திர உறவுகளில் முன்னேற்றம் ஏற்பட்டுள்ள நிலையில், இந்த ஏவுகணைகளை பாகிஸ்தானுக்கு வழங்குவது குறித்து அமெரிக்கா பரிசீலித்து வருவதாக தகவல்கள் வெளியான சில நாட்களுக்குப் பின்னர் இந்த விளக்கம் வந்துள்ளது.
அமெரிக்காவிடமிருந்து AIM-120 மேம்பட்ட நடுத்தர தூர வான்வழி ஏவுகணைகளை (AMRAAM) பாகிஸ்தான் பெற வாய்ப்புள்ளதாக தகவல்கள் முன்னர் தெரிவித்திருந்தன.
முன்னர் பாதுகாப்புத் துறை என்று அழைக்கப்பட்ட அமெரிக்க போர்த் துறை (DoW) அறிவித்த ஆயுத ஒப்பந்தம், ஏவுகணைகளை வாங்கும் 35 நாடுகளில் பாகிஸ்தானையும் பட்டியலிட்டுள்ளதாக தகவல்கள் தெரிவிக்கின்றன.
இருப்பினும், இந்த ஒப்பந்தம் ஏற்கனவே உள்ள வெளிநாட்டு இராணுவ விற்பனை ஒப்பந்தத்தில் ஒரு திருத்தம் என்று அமெரிக்க தூதரகம் இப்போது தெளிவுபடுத்தியுள்ளது.
