இங்கிலாந்து பாடசாலைகளில் GCSE தேர்வு நேரத்தைக் குறைக்கவும் AI மற்றும் போலி செய்தி பாடங்களைச் சேர்க்கவும் ஒரு தசாப்தத்தில் மிகப்பெரிய பள்ளிகள் குலுக்கல்.
GCSE தேர்வு நேரத்தை ஒரு மாணவருக்கு மூன்று மணிநேரம் வரை குறைக்கவும் அதற்கு பதிலாக புதிய ஆண்டுகளுக்கு 8 தேர்வுகளை அறிமுகப்படுத்தவும் இங்கிலாந்து அரசாங்கம் தீர்மானித்துள்ளது.
மேலும் விரிவான பாடத்திட்ட சீர்திருத்தங்களின் கீழ் தவறான தகவல்களை(போலி செய்தி) எவ்வாறு அடையாளம் காண்பது என்பதை முதன்மைப்படுத்தி மாணவர்களுக்குக் கற்பிக்கவும் தீர்மானிக்கப்பட்டுள்ளது.
மேலும், ஆசிரியர்கள் கற்றல் இடைவெளிகளை விரைவில் அடையாளம் காண உதவும் வகையில், 8 ஆம் வகுப்பில் புதிய கணிதம் மற்றும் ஆங்கிலத் தேர்வுகளை அறிமுகப்படுத்தவும், ஆரம்ப பாடசாலைகளில் கட்டாய குடியுரிமைப் பாடங்களைச் சேர்க்கவும், எழுத்துப்பிழைத் தேர்வை பெரிய அளவில் மாற்றவும் இந்த திட்டம் அழைப்பு விடுக்கிறது.
இதேவேளை, புதிய தேசிய பாடத்திட்டத்தில் 16 வயதுக்கு மேற்பட்ட மாணவர்களுக்கான AI மற்றும் தரவு அறிவியலில் கவனம் செலுத்துவதையும் அரசாங்கம் இந்த திட்டத்தில் முதண்மையாக கொண்டுள்ளது.
முதல் முறையாக, ஆரம்ப பாடசாலை வயது குழந்தைகளுக்கு போலிச் செய்திகளைக் கண்டறிவது மற்றும் தவறான தகவல்களை எவ்வாறு அடையாளம் காண்பது என்பதைக் கற்பிக்கப்படவுள்ளது.
இது அவர்களின் விமர்சன சிந்தனைத் திறன்களை வளர்த்துக் கொள்ளவும், இணையங்களில் இருக்கும்போது அவர்களைப் பாதுகாக்கவும் உதவும் எனவும் தெரிவிக்கப்படுகின்றது.
மேலும், 8 ஆம் வகுப்பில் ஒரு புதிய கட்டாய வாசிப்புத் தேர்வு அறிமுகப்படுத்தப்படுவதுடன் இது 6 ஆம் வகுப்பில் எழுத்து மதிப்பீட்டிற்கு உதவுவதுடன் இதன்மூலம் கற்றலில் கூடுதல் ஆதரவு தேவைப்படும் மாணவர்களை அடையாளம் காண SAT தேர்வுகளும் மேற்கொள்ளப்படவுள்ளன.
தற்போதுள்ள மாணவர்களிடையே வாசிப்பு மற்றும் எழுத்து கட்டமைப்புகளின் வெற்றியைக் கட்டியெழுப்பி, அதிகமான இளைஞர்கள் தன்னம்பிக்கை மற்றும் பயனுள்ளவர்களாக மாறுவதை உறுதிசெய்ய உதவும் ஒரு திட்டமாக இந்த புதிய கல்வி திட்டத்தை அரசாங்கம் எடுத்துக்காட்டுகிறது.
