வதோதராவில் உள்ள கோடாம்பி மைதானத்தில் இன்று (05) நடைபெறும் 2026 மகளிர் பிரீமியர் லீக் (WPL) இறுதிப் போட்டியில் ரோயல் சேலஞ்சர்ஸ் பெங்களூரு மற்றும் டெல்லி கேபிடல்ஸ் அணிகள் மோதுகின்றன.
இந்த ஆட்டம் இரவு 07.30 மணிக்கு ஆரம்பமாகும்.
WPL இன் நான்கு சீசன்களில் இரு அணிகளும் மொத்தம் ஒன்பது முறை ஒன்றுடன் ஒன்று மோதியுள்ளன.
இதில் 2024 ஆம் ஆண்டு நடந்த இறுதிப் போட்டியும் அடங்கும்.
அந்தப் போட்டியில் ரோயல் சேலஞ்சர்ஸ் பெங்களூரு அணி மூன்று பந்துகள் மற்றும் எட்டு விக்கெட்டுகள் மீதமிருந்த நிலையில் டெல்லியை வீழ்த்தி சம்பியன் பட்டம் வென்றது.
இதுவரை நடந்த ஒன்பது போட்டிகளில் ஆறு போட்டிகளில் வெற்றி பெற்றுள்ளதால் பெங்களூரு அணியை விட டெல்லி அணி தெளிவான முன்னிலையைப் பெற்றுள்ளது.
எனினும் நடப்பு சீசனில் ஸ்மிருதி மந்தனா தலைமையிலான அணி தான் எதிர்கொண்ட எட்டுப் போட்டிகளில் ஆறு போட்டிகளில் வெற்றி பெற்று நேரடியாக இறுதிப் போட்டிக்கு தகுதி பெற்றது.
அதேநேரம், ஆரம்ப சுற்றுப் போட்டிகளில் ஜெமிமா ரோட்ரிக்ஸ் தலைமையிலான அணி எட்டுப் போட்டிகளில் நான்கில் வெற்றி பெற்றது.
மேலும், வெளியேற்றல் சுற்றில் குஜராத் ஜெயண்ட்ஸை வீழ்த்தி தொடர்ச்சியாக நான்காவது முறையாகவும் இறுதிப் போட்டிக்கு முன்னேறியது.
WPL வரலாற்றில் ஒவ்வொரு சீசனிலும் உச்சத்தை எட்டிய ஒரே அணி டெல்லி மட்டுமே.
இந்த நிலையில் பெங்களூரு அணி இரண்டாவது முறையாக கிண்ணத்தை கையில் ஏந்தும் முனைப்புடன் இன்றைய போட்டியில் களமிறங்குகிறது.
அதேநேரத்தில், முதல் 3 சீசனில் தொடர்ந்து இறுதி ஆட்டங்களில் தோல்வியை தழுவிய டெல்லி அணி அந்த சோகத்துக்கு முற்றுப்புள்ளி வைத்து முதல்முறையாக கிண்ணத்தை வெல்ல வரிந்துகட்டுகிறது.
