2026 மார்ச் மாதத்தில் பிரிட்டனின் வீட்டு விலைகள் எதிர்பாராதவிதமாக உயர்ந்ததாக நாட்டின் மிகப்பெரிய வீட்டுக் கடன் வழங்கும் நிறுவனமான நேஷன்வைட் பில்டிங் சொசைட்டின் (Nationwide Building Society) புள்ளிவிபரத் தரவுகள் தெரிவிக்கின்றன.
அதன்படி, மார்ச் மாதத்தில் சராசரி வீடுகளின் பெறுமதி 0.9 சதவீதம் உயர்ந்து 277,186 பவுண்டுகளாக ($366,000) அதிகரித்துள்ளதாக நேஷன்வைட் நிறுவனம் தெரிவித்துள்ளது.
இது முந்தைய மாதத்தின் 0.3 சதவீதம் என்ற வளர்ச்சியை விட அதிகமாகும் என்பதுடன், 2024 டிசம்பர் மாதத்துக்குப் பின்னர் இதுவே மிக வலுவான உயர்வாகும் என்றும் தெரிவிக்கப்படுகிறது.
அதேநேரம், வீட்டு விலைகள் நடப்பு ஆண்டின் மார்ச் மாதத்தில் நிலையானதாக இருக்கும் என்ற பொருளாதார வல்லுநர்களின் கணிப்பையும் இந்த தரவுகள் பெய்யாக்கியுள்ளது.
பிராந்திய அளவில், 2026 ஆம் ஆண்டின் முதல் காலாண்டில் வடக்கு அயர்லாந்து மிகச் சிறந்த செயல்திறனைப் பதிவுசெய்தது, அங்கு கடந்த ஆண்டுடன் ஒப்பிடுகையில் வீட்டு விலைகள் 9.5% உயர்ந்தன.
இதற்கு மாறாக, வெளித் தென்கிழக்குப் பகுதி மிக மோசமான செயல்திறனைக் காட்டியது, அங்கு கடந்த ஆண்டின் இதே காலகட்டத்துடன் ஒப்பிடுகையில் வீட்டு விலைகள் 0.7% சரிந்தன.
வீட்டு விலை வளர்ச்சியில் ஏற்பட்டுள்ள இந்த மாற்றம் புத்தாண்டின் தொடக்கத்தில் ஏற்பட்ட மந்தநிலைக்குப் பிறகு சந்தை மீண்டும் வேகம் பெற்றிருப்பதைக் காட்டுகிறது. இருப்பினும், மத்திய கிழக்கில் ஏற்பட்டுள்ள நிகழ்வுகளுக்குப் பதிலளிக்கும் விதமாக உலகளாவிய எரிசக்தி விலைகளில் ஏற்பட்டுள்ள கூர்மையான உயர்வு, உலகப் பொருளாதாரத்திற்கு ஒரு குறிப்பிடத்தக்க அதிர்ச்சியை ஏற்படுத்தி எதிர்காலக் கண்ணோட்டத்தை மங்கச் செய்துள்ளது.
