பிரித்தானிய நாடாளுமன்றத்தின் கீழ் சபையான ‘ஹவுஸ் ஆஃப் காமன்ஸ்’ (House of Commons) நடத்திய தனிநபர் மசோதாவுக்கான குலுக்கலில், கன்சர்வேடிவ் கட்சியின் நாடாளுமன்ற உறுப்பினர் டெஸ்மண்ட் ஸ்வைன் ( Desmond Swayne) முதலிடத்தைப் பிடித்துள்ளார்.
இதன் மூலம் அவர் தனது சொந்த சட்ட வரைவு ஒன்றை நாடாளுமன்றத்தில் சமர்ப்பிப்பதற்கான வாய்ப்பைப் பெற்றுள்ளார்.
நாடாளுமன்றத்தின் ஒவ்வொரு புதிய கூட்டத்தொடரின் தொடக்கத்திலும் இக்குலுக்கல் நடத்தப்படுகிறது . இதில் பங்கேற்க விரும்பும் பின்வரிசை நாடாளுமன்ற உறுப்பினர்கள் அனைவருக்கும் எண்கள் இடப்பட்ட வெள்ளை நிறப் பந்துகள் ஒதுக்கப்பட்டு, ஒரு கண்ணாடித் தொட்டியில் (Goldfish bowl) இருந்து சீட்டுக் குலுக்கல் முறையில் 20 பந்துகள் தன்னிச்சையாக வெளியே எடுக்கப்படும்.
இதில் முதலிடம் பெறுபவர்களின் மசோதாக்கள் சட்டமாக மாறுவதற்கு அதிக வாய்ப்புகள் உண்டு.
இந்தக் குலுக்கலில் டெஸ்மண்ட் ஸ்வைன் முதலிடம் பிடித்துள்ள போதிலும், அவர் கொண்டுவரவுள்ள மசோதா குறித்து தகவல்கள் வெளியாகவில்லை.
