உலகளாவிய உணவு சார்ந்த சுற்றுலாத்துறையின் (culinary tourism) எதிர்காலத்தை வடிவமைக்கும் நாடுகளை அங்கீகரிக்கும் வகையில், ‘Travel And Tour World’ (TTW) நிறுவனம் 2026 ஆம் ஆண்டிற்கான உலகின் சிறந்த 50 உணவுச் சுற்றுலாத் தலங்களின் பட்டியலை வெளியிட்டுள்ளது.
TTW-வின் ஆசிரியர் குழு நிபுணர்களால் தொகுக்கப்பட்ட இந்தப் பட்டியல், உணவு சார்ந்த பாரம்பரியம், பிராந்திய பன்முகத்தன்மை, தெருவோர உணவு கலாச்சாரம், உயர்தர உணவக அனுபவம் (fine dining), உள்ளூர் மூலப்பொருட்கள், நிலைத்தன்மை, பானம் சார்ந்த மரபுகள், கலாச்சாரத் தனித்துவம் மற்றும் மறக்க முடியாத சுவை அனுபவங்கள் ஆகியவற்றில் சிறந்து விளங்கும் இடங்களை சிறப்பிக்கின்றது.
2026 ஆம் ஆண்டு தரவரிசையானது, உலகின் மிகச்சிறந்த உணவுத் தலமாக மெக்சிகோவை முதலிடத்தில் வைக்கிறது.
அதனைத் தொடர்ந்து இத்தாலி மற்றும் ஸ்பெய்ன் ஆகிய நாடுகள் உள்ளன.
இது, பல நூற்றாண்டுகள் பழமையான மரபுகள், பிராந்தியப் பன்முகத்தன்மை, பூர்வீக மூலப்பொருட்கள், புதுமை மற்றும் உலகளாவிய செல்வாக்கு ஆகியவற்றை ஒன்றிணைக்கும் சமையல் கலாச்சாரங்களின் அசாதாரண வலிமையைப் பிரதிபலிக்கிறது.
இந்த முதல் 50 இடங்கள், ஐரோப்பா, ஆசிய-பசிபிக், அமெரிக்கா மற்றும் கரீபியன், ஆப்பிரிக்கா மற்றும் மத்திய கிழக்கு ஆகிய பகுதிகளில் உள்ள விதிவிலக்கான உணவுத் தலங்களையும் காட்சிப்படுத்துகின்றன.
இவற்றில் புகழ்பெற்ற உணவுத் தலைநகரங்கள், துடிப்பான தெருவோர உணவு மையங்கள், கடலோர கடல் உணவுப் பகுதிகள், ஒயின் தலங்கள், மசாலாப் பொருட்கள் நிறைந்த கலாச்சாரங்கள், தீவு உணவு வகைகள் மற்றும் வளர்ந்து வரும் சமையல் வல்லமைமிக்க நாடுகள் இடம்பெற்றுள்ளன.
இந்தப் பட்டியலில் இலங்கை 50 ஆவது இடத்தைப் பிடித்துள்ளது.
இலங்கை உணவுகள் குறித்து ‘Travel And Tour World’ நிறுவனம் கூறியுள்ளதாவது,
இலங்கை ஒரு துடிப்பான சமையல் கலைத் தலமாகும். இங்கு நறுமண மசாலாப் பொருட்கள், வெப்பமண்டல மூலப்பொருட்கள் மற்றும் பல நூற்றாண்டுகளின் கலாச்சாரத் தாக்கங்கள், பரபரப்பான தெருவோர உணவுக் கடைகள் முதல் நேர்த்தியான கடற்கரை உணவகங்கள் வரை மறக்க முடியாத உணவு அனுபவங்களை உருவாக்குகின்றன.
கொழும்பு: கறி சோறு , கொத்து ரொட்டி, ஆப்பம் மற்றும் புதிய கடல் உணவுகளுக்குப் பெயர் பெற்றது.
காலி; கடல் உணவுகள், இலங்கை வகை கறிகள் மற்றும் காலனித்துவ கால பாணியிலான உணவு அனுபவம் ஆகியவற்றுக்கு பெயர் பெற்றது.
கண்டி; கறி சோறு, பாரம்பரிய இனிப்புகள் மற்றும் தனித்துவமான உள்ளூர் உணவுகளுக்குப் பெயர் பெற்றது.
நீர்கொழும்பு; கடலுணவு கறிகள், வறுத்த மீன் வகைகள் மற்றும் காயல் பகுதியின் சிறப்பு கடலுணவு வகைகள் பரிமாறப்படுகின்றன.
எல்ல; இயற்கை முறையில் விளைவிக்கப்படும் உணவுப் பொருட்கள், இலங்கை பாரம்பரிய உணவுகள் மற்றும் மலைநாட்டு உணவு அனுபவங்களுக்குப் பெயர் பெற்றது.
யாழ்ப்பாணம்; நண்டு கறி, தோசை மற்றும் தனித்துவமான தமிழ்ப் பாரம்பரிய சுவைமிக்க உணவுகளுக்காகப் பிரசித்தமானது.
மிரிஸ்ஸ; புதிய கடலுணவுகள் மற்றும் கடற்கரையோர அமைதியான உணவு அனுபவங்களை வழங்குகிறது.
நுவரெலியா– தேயிலைத் தூண்டலான உணவுகள், பேஸ்ட்ரி வகைகள் மற்றும் காலனித்துவ கால பாரம்பரிய உணவுகளால் கவர்கிறது.
ஹிக்கடுவ; கடலுணவுகள், இலங்கை கறி வகைகள் மற்றும் உற்சாகமான கடற்கரையோர உணவு அனுபவங்களின் கலவையாகத் திகழ்கிறது.
திருகோணமலை; புதிய கடலுணவுகள் மற்றும் உண்மையான கடலோர சமையலுக்காகப் புகழ்பெற்றது.
