Jaffna Kings அணிக்கு வெற்றியிலக்காக 165 ஓட்டங்கள் நிர்ணயிக்கப்பட்டுள்ளது.
இரண்டாவது லங்கா பிரீமியர் லீக் தொடரின் முதல் போட்டி தற்போது இடம்பெற்று வருகின்றது.
கொழும்பு ஆர்.பிரேமதாஸ விளையாட்டரங்கில் நடைபெறவுள்ள இந்த போட்டியில் நடப்பு சம்பியனான Jaffna Kings அணியும் Galle Gladiators அணியும் பலப்பரீட்சை நாடாத்துகின்றன.
இந்த போட்டியின் நாணய சுழற்சியில் வெற்றி பெற்ற Jaffna Kings அணி களத்தடுப்பில் ஈடுபட தீர்மானித்தது.
இதற்கமைய முதலில் துடுப்பெடுத்தாட களமிறங்கிய Galle Gladiators அணி நிர்ணயிக்கப்பட்ட 20 ஓவர்கள் நிறைவில் 07 விக்கட்டுக்களை இழந்து 164 ஓட்டங்களைப் பெற்றுக்கொண்டது.
அணி சார்பில் அணித்தலைவர் பானுக்க ராஜபக்ஷ 56 ஓட்டங்களை பெற்றுக்கொடுத்திருந்தார்.
Jaffna Kings அணி சார்பில் Jayden Seales 03 விக்கட்டுக்களையும், வனிந்து ஹசரங்க 02 விக்கட்டுக்களையும், Maheesh Theekshana, Suranga Lakmal ஆகியோர் தலா ஒரு விக்கெட்டினையும் வீழ்த்தியிருந்தனர்.
இந்தநிலையில் 165 என்ற வெற்றியிலக்கினை நோக்கி Jaffna Kings அணி இன்னும் சற்றுநேரத்தில் துடுப்பெடுத்தாட களமிறங்கவுள்ளது.
