இலங்கை அணிக்கெதிரான முதலாவது இருபதுக்கு இருபது போட்டியில் இந்திய அணி 2 ஓட்டங்களினால் வெற்றி பெற்றுள்ளது.
இந்த போட்டியின் நாணய சுழற்சியில் வெற்றி பெற்ற இலங்கை அணி களத்தடுப்பில் ஈடுபட தீர்மானித்தது.
இதற்கமைய முதலில் துடுப்பெடுத்தாட களமிறங்கிய இந்திய அணி 20 ஓவர்கள் நிறைவில் 5 விக்கட்டுக்களை இழந்து 162 ஓட்டங்களை பெற்றுக்கொண்டது.
துடுப்பாட்டத்தில் இந்திய அணி சார்பில் Deepak Hooda 41 ஓட்டங்களையும், Ishan Kishan 37 ஓட்டங்களையும் பெற்றுக்கொடுத்தனர்.
இதனைத் தொடர்ந்து 163 என்ற வெற்றியிலக்கினை நோக்கி துடுப்பெடுத்தாட களமிறங்கிய இலங்கை அணி 20 ஓவர்கள் நிறைவில் சகல விக்கட்டுக்களையும் இழந்து 160 ஓட்டங்களை பெற்று 2 ஓட்டங்களினால தோல்வியடைந்துள்ளது.
துடுப்பாட்டத்தில் இலங்கை அணி சார்பில் தசுன் சானக்க 45 ஓட்டங்களையும், சாமிக்க கருணாரத்ன 23 ஓட்டங்களையும் பெற்றுக்கொடுத்தனர்.
பந்து வீச்சில் இந்திய அணி சார்பில் தனது அறிமுகப்போட்டியில் விளையாடிய Shivam Mavi 4 விக்கட்டுக்களை வீழ்த்தியிருந்தார்.
போட்டியின் ஆட்ட நாயகனாக Deepak Hooda தெரிவு செய்யப்பட்டார்.
