இரண்டு மாணவர்களை பாகிஸ்தான் படைகள் வலுக்கட்டாயமாக கடத்திச் சென்றமையை அடுத்து, பலுசிஸ்தானின் குஜ்தார் மாவட்டத்தில் உள்ளுர்வாசிகள் வீதிகளில் இறங்கியதோடு முக்கிய நெடுஞ்சாலையை மறித்து போராட்டங்களை மேற்கொண்டனர்.
நெடுஞ்சாலை இடைமறிக்கப்பட்டமையால், வாகனங்கள் நீண்டவரிசையில் நின்றதோடு பல பயணிகள் நெருக்கடிகளுக்கு உள்ளானதாக தெரிவிக்கப்பட்டுள்ளது.
சிராஜ் நூர் மற்றும் முகமது ஆரிப் என்ற இரண்டு கிரிஷ்க் மாணவர்கள் விடுமுறைக்காக சொந்த ஊரில் இருந்தபோது பாகிஸ்தான் இராணுவத்தால் கடத்தப்பட்டனர்.
காணாமல் போனவர்களில் ஒருவரான சிராஜ் நூர், சர்கோதா பல்கலைக்கழகத்தில் சட்ட மாணவராக உள்ளார், அதேசமயம் முஹம்மது ஆரிப் 2022 இல் பலுசிஸ்தான் பல்கலைக்கழகத்தில் தனது முதுகலை கற்றுவருகின்றார்.
இந்நிலையில், பலூச் விடுதலைப் படைக்கு எதிரான தாக்குதல் தீவிரமடைந்தாலும், உள்ளுர் பலூச் மக்களின் உடல்ரீதியான மிரட்டல் மற்றும் கட்டாயக் காணாமல்போன சம்பவங்கள் கணிசமாக அதிகரித்துள்ளன என்று சர்வதேச உரிமைகள் மற்றும் பாதுகாப்பு மன்றம் தெரிவித்துள்ளது.
சீனா-பாகிஸ்தான் பொருளாதார வழித்தடத்தையும், திட்டத்தில் ஈடுபட்டுள்ள சீன குடிமக்களையும் பாதுகாக்க சீனாவிடம் இருந்து பாகிஸ்தானுக்கு தொடர்ந்து அழுத்தம் கொடுக்கப்பட்டு வருவதாக தகவல்கள் தெரிவிக்கின்றன.
பலுசிஸ்தான் தேசியக் கட்சித் தலைவர் அக்தர் மெங்கல், பாகிஸ்தான் பாதுகாப்புப் படையினர் போலி துப்பாக்கிப் பிரயோகங்களை நடத்தி வருவதாகவும், பலூச் உள்ளுர்வாசிகளைக் காணாமற்போக காரணமாக இருப்பதாகவும் பலமுறை குற்றம் சாட்டியிருந்தார்.
இம்ரான் கான் பிரதமராக இருந்த காலத்தில் இரகசியமான துப்பக்கிச் சூடுகளை நடத்துதல் மற்றும் காணாமல் போன வழக்குகள் மூன்று மடங்கு அதிகரித்தன. ஒட்டுமொத்தமாக, ஐயாயிரத்துக்கும் அதிகமானோர் காணாமல் போயுள்ளனர் என்று காணாமல் போனவர்கள் குறித்து ஆராயும் அமைப்பான பலூச் காணாமல் போனவர்களுக்கான குரல் அமைப்பு குறிப்பிட்டுள்ளது.
