டார்ட்ஃபொர்ட் கரப்பந்தாட்ட கழகத்தினால் ஒழுங்கமைக்கப்பட்டு சவுத்தோலிலுள்ள Dormers Wells Leisure Center மைதானத்தில் மறைந்த கரப்பந்தாட்ட வீரர் டேவிட்டின் நினைவாக நடாத்தப்பட்ட ‘டேவிட் கிண்ண கரப்பந்தாட்ட சுற்றுப்போட்டி’ கடந்த ஞாயிற்றுக்கிழமை நிறைவுபெற்றுள்ளது.
இந்த சுற்றுப்போட்டியில் பிரித்தானியாவில் உள்ள 27 கழகங்கள் பங்கு பற்றி சிறப்பித்திருந்தன.
இப்போட்டியில் 5 பேர் கொண்ட போட்டியும் 4 பேர் கொண்ட போட்டியும் தனித்தனியாக நடைபெற்றன.
இப்போட்டியில் சிறப்பாக விளையாடி வெற்றியை தமதாக்கிய கழகங்கள் மற்றும் ஆட்ட நாயகர்கள், ஆட்ட தொடர்நாயகர்கள் என்பன தெரிவு செய்யப்பட்டு, பரிசில்களும் வழங்கி கௌரவிக்கப்பட்டனர்.
5 பேர் கொண்ட கரப்பந்தாட்ட போட்டியில் முதலாம் இடத்தை எல்லாளன் கழகமும், இரண்டாம் இடத்தை தொய்யன் கழகமும், மூன்றாம் இடத்தை ஈழம் ஸ்ரார் கழகமும் பெற்றுக்கொண்டன.
5 பேர் கொண்ட கரப்பந்தாட்ட போட்டியின் நாயகனாக எல்லாளன் கழகத்தை சேர்ந்த சுதனும், 5பேர் கொண்ட கரப்பந்தாட்ட போட்டியின் தொடர் நாயகனாக கைதடி குமரநகர் கழகத்தை சேர்ந்த நேசனும் தெரிவு செய்யப்பட்டனர்.
4 பேர் கொண்ட கரப்பந்தாட்ட போட்டியில் முதலாம் இடத்தை ஈழம்ஸ்ரார் கழகமும், இரண்டாம் இடத்தை தொய்யன் கழகமும், மூன்றாம் இடத்தை மில்லர் கழகமும் பெற்றுக்கொண்டன.
4 பேர் கொண்ட கரப்பந்தாட்ட போட்டி நாயகனாக ஈழம் ஸ்ரார் கழகத்தை சேர்ந்த குமரனும், 4 பேர் கொண்ட கரப்பந்தாட்ட போட்டியின் தொடர்நாயகனாக மில்லர் கழகத்தை சேர்ந்த பிரதீப்பும் தெரிவு செய்யப்பட்டனர்.
