லங்கா பிரீமியர் லீக் ரி-20 தொடரின் 15 ஆவது லீக் போட்டியில், பி லவ் கண்டி அணி 8 ஓட்டங்களினால் வெற்றிபெற்றுள்ளது.
கொழும்பு ஆர்.பிரேமதாஸ மைதானத்தில் நடைபெற்ற இப்போட்டியில், ஜப்னா கிங்ஸ் அணியும் பி லவ் கண்டி அணியும் பலப்பரீட்சை நடத்தின.
இப்போட்டியில் நாணய சுழற்சியில் வெற்றிபெற்ற, பி லவ் கண்டி அணி முதலில் துடுப்பெடுத்தாட தீர்மானித்து முதலில் களமிறங்கியது.
இதன்படி நிர்ணயிக்கப்பட்ட 20 ஓவர்கள் நிறைவில் பி லவ் கண்டி அணி 8 விக்கெட்டுகள் இழப்புக்கு 178 ஓட்டங்களை பெற்றுக்கொண்டது.
இதன்போது அணியின் அதிகப்பட்ச ஓட்டங்களாக மொஹமட் ஹாரிஸ் 81 ஓட்டங்களையும் சமான் மற்றும் மத்தியூஸ் ஆகியோர் தலா 22 ஓட்டங்களையும் பெற்றுக்கொண்டனர்.
பந்துவீச்சில், லைக்காவின் ஜப்னா கிங்ஸ் சார்பாக நுவான் துஷார 3 விக்கெட்களையும் மதுஷங்க மற்றும் வெல்லலாகே ஆகியோர் தலா 2 விக்கெட்டுகளையும் வீழ்த்தினர்.
இதனைத் தொடர்ந்து 179 ஓட்டங்கள் என்ற வெற்றி இலக்கை நோக்கி துடுப்பெடுத்தாட களமிறங்கிய ஜப்னா கிங்ஸ் அணி 6 விக்கெட்களை 170 ஓட்டங்களினை மாத்திரமே பெற்றுக்கொண்டது.
