லங்கா பிரீமியர் லீக் ரி-20 தொடரின் 16ஆவது லீக் போட்டியில், தம்புள்ளை அவுரா அணி, கொழும்பு ஸ்ட்ரைக்கஸ் அணிக்கு 167 ஓட்டங்களை வெற்றி இலக்காக நிர்ணயித்துள்ளது.
கொழும்பு- ஆர்.பிரேமதாஸ மைதானத்தில் நடைபெற்றுவரும் இப்போட்டியில், தம்புள்ளை அவுரா அணி மற்றும் கொழும்பு ஸ்ட்ரைக்கஸ் அணியும் பலப்பரீட்சை நடத்தி வருகின்றன.
இப்போட்டியில், நாணய சுழற்சியில் வெற்றிபெற்ற தம்புள்ளை அவுரா அணி முதலில் துடுப்பெடுத்தாட தீர்மானித்துள்ளது.
இதன்படி முதலில் துடுப்பெடுத்தாடிய தம்புள்ளை அவுரா அணி, நிர்ணயிக்கப்பட்ட 20 ஓவர்கள் நிறைவில் 5 விக்கெட்டுகள் இழப்புக்கு 166 ஓட்டங்களை பெற்றுக்கொண்டது.
இதன்போது அணியின் அதிகப்பட்ச ஓட்டங்களாக, பென் மெக்டர்மோட் 69 ஓட்டங்களையும் அலெக்ஸ் ரோஸ் 52 ஓட்டங்களையும் பெற்றுக்கொண்டனர்.
கொழும்பு ஸ்ட்ரைக்கஸ் அணியின் பந்துவீச்சில், மதிஷன பத்திரன 2 விக்கெட்டுகளையும் நஷிம் ஷா, சமிக்க கருணாரத்ன, ஜெப்ரி வெண்டர்சே ஆகியோர் தலா 1 விக்கெட்டினையும் வீழ்த்தினர்.
இதனைத்தொடர்ந்து 167 ஓட்டங்கள் என்ற வெற்றி இலக்கை நோக்கி, கொழும்பு ஸ்ட்ரைக்கஸ் அணி துடுப்பெடுத்தாட களமிறங்கவுள்ளது.
