2023 ஆம் ஆண்டுக்கான ஆசிய கிண்ண கிரிக்கெட் தொடரின் 8ஆவது போட்டி இன்று இடம்பெறவுள்ளது.
கொழும்பு ஆர் பிரேமதாச விளையாட்டரங்கில் இடம்பெறவுள்ள குறித்த போட்டியில் இலங்கை மற்றும் பங்களாதேஷ் ஆகிய அணிகள் மோதவுள்ளன.
குறித்த போட்டி இன்று பிற்பகல் 3 மணிக்கு ஆரம்பமாகவுள்ளது.
முன்னதாக இரு அணிகளும் மோதிய போட்டியில் இலங்கை அணி பங்களாதேஷ் அணியை வீழ்த்தியமை குறிப்பிடத்தக்கது.
இதேவேளை 2023 ஆம் ஆண்டு நடைபெறவுள்ள ஆசியக் கிண்ண கிரிக்கெட் போட்டியை முன்னிட்டு விசேட பாதுகாப்புத் திட்டம் நடைமுறைப்படுத்தப்பட்டுள்ளதாக பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவா தெரிவித்துள்ளார்.
வீரர்கள் மற்றும் இரசிகர்களின் பாதுகாப்பை உறுதி செய்வதற்காக பொலிஸ் சிறப்பு அதிரடிப்படை மற்றும் புலனாய்வு அமைப்புகள் இணைந்து செயற்பட்டு வருவதாகவும் அவர் குறிப்பிட்டுள்ளார்.
இந்த நிலையில், இன்று முதல் ஆர்.பிரேமதாச விளையாட்டரங்கைச் சுற்றி விசேட போக்குவரத்துத் திட்டம் அமுல்படுத்தப்பட்டுள்ளமை குறிப்பிடத்தக்கது..
