அண்மைக்காலமாக பாக்கிஸ்தான் அரசானது வரலாறு காணாத பொருளாதார நெருக்கடியில் சிக்கித் தவித்து வருகின்றது.
குறிப்பாக விலைவாசி உயர்வு, வேலையில்லா திண்டாட்டம், பெட்ரோல் விலையேற்றம், மின்சார தட்டுப்பாடு உள்ளிட்ட பல்வேறு பிரச்சனையால் அந்நாட்டு மக்கள் திண்டாடி வருகின்றனர்.
இதனால் சொந்த நாட்டில் பிழைக்க வழியில்லாததால் பலர் அங்கு பிச்சையெடுக்கும் நிலைக்குத் தள்ளப்பட்டுள்ளனர்.
இதன் தொடர்ச்சியாக அண்மைக்காலமாக பாகிஸ்தானைச் சேர்ந்த பலர் அரபு நாடுகளுக்கு முறையாகவோ அல்லது சட்டவிரோதமாகவோ சென்று அங்கு பிச்சை எடுக்கும் செயலில் ஈடுபட்டுவருகின்றனர் எனத் தகவல்கள் வெளியாகியுள்ளன.
குறிப்பாக சட்ட ரீதியாக அங்கு நுழைய முயல்பவர்கள், இஸ்லாமியர்களுக்கு மட்டுமே வழங்கப்படும் ‘உம்ரா விசா’ எனும் அனுமதியை பெற்று அங்கு நுழைகிறார்கள். இது தவிர இஸ்லாமியர்களின் புனித தலமான மெக்கா இருக்கும் சாலைகளில் திருட்டுகளில் ஈடுபடும் பெரும்பகுதியினரும் பாகிஸ்தானியர்களே எனவும் ஒரு ஆய்வில் தெரிய வந்துள்ளது.
அரபு நாடுகளில் பிச்சை எடுப்பவர்களுக்கு சிறை தண்டனை வழங்கப்பட்டுவரும் நிலையில் அவ்வாறு சிறையிலடைக்கபட்ட பிச்சைக்காரர்களில் 90 சதவீதத்திற்கும் அதிகமானோர் பாகிஸ்தானைச் சேர்ந்தவர்கள் எனவும் குறித்த அறிக்கையில் குறிப்பிடப்பட்டுள்ளது.
இந்நிலையில் இவர்களது வருகையைத் தடுக்க நடவடிக்கை எடுக்க சவுதி அரேபியாவும், ஈராக்கும் பாகிஸ்தானிடம் கோரிக்கை விடுத்துள்ளமை குறிப்பிடத்தக்கது.
