மட்டக்களப்பு மாவட்டத்தின் பிரதான விவசாய குளமாக காணப்படும் உன்னிச்சை குளம் 03 வான்கதவுகள் மூலம் 04 அடி வரை திறக்கப்பட்டுள்ளது.
கடந்த 26 ம் திகதி மாலை உன்னிச்சை குளத்தின் வான்கதவுகள் திறக்கப்பட்டுள்ளமை குறிப்பிடத்தக்கது.
மட்டக்களப்பு மாவட்டத்தில் கடந்த சில நாட்களாக பெய்து வந்த மழை வீழ்ச்சி குறைவடைந்துள்ள நிலையில், வெள்ளம் வடிந்தோடி மக்கள் படிப்படியாக இயல்பு வாழ்க்கைக்கு திரும்பி வருகின்றமை குறிப்பிடத்தக்கது.
இதேவேளை, மட்டக்களப்பு மாவட்டத்தில் கடந்த சில நாட்களாக பெய்து வந்த மழை வீழ்ச்சி குறைவடைந்துள்ள நிலையில், மக்களின் இயல்பு வாழ்க்கை திரும்பியுள்ளது
மட்டக்களப்பு மாவட்டத்தில் கடந்த சில தினங்களாக பெய்த கடும் மழை காரணமாக மட்டக்களப்பு மாவட்டத்தின் பல பகுதிகளில் போக்குவரத்துகள் தடைப்பட்டிருந்தன.
இந்த நிலையில் ஒரு சில பிரதேசங்களில் இன்று வழமைக்கு திரும்பியுள்ளன.
அத்துடன் மட்டக்களப்பு – திருகோணமலை வீதியில் பகுதிகளில் வெள்ள நீர் பாய்வதன் காரணமாக மாற்று வீதிகள் ஊடாக வாகனங்களை செலுத்துமாறு அறிவுறுத்தப்பட்டுள்ளது
சீரற்ற காலநிலை காரணமாக. மட்டக்களப்பு மாவட்டத்தில் 11,407 குடும்பங்களைச் சேர்ந்த 34 ஆயிரத்து181 பாதிக்கப்பட்டுள்ளதாக. மட்டக்களப்பு மாவட்ட செயலகத்தின் மாவட்ட அனர்த்த முகாமைத்துவ பிரிவு தெரிவித்துள்ளது
