போட்டி ஒழுங்குமுறை ஆணையத்தின் மதிப்பாய்வைத் தொடர்ந்து, இங்கிலாந்தின் ஐந்து பிரதான குடிநீர் விநியோக நிறுவனங்களின் வாடிக்கையாளர்கள் எதிர்வரும் ஆண்டுகளில் எதிர்பார்த்ததை விட அதிகளவில் கட்டணங்களை செலுத்தும் நிலையினை எதிர்கொண்டுள்ளனர்.
எனினும், நிறுவனங்கள் தம் விரும்பும் அளவுக்கு கட்டணங்களை தன்னிச்சியைாக அதிகரிக்க முடியாது என்று கூறப்பட்டுள்ளது.
அதன்படி, 5 குடிநீர் நிறுவனங்கள் வழங்கல் நிறுவனங்களுக்கு அவர்கள் கோரிய 2.7 பில்லியன் பவுண்டுகள் மேலதிக வருவாயில் வெறும் 463 மில்லியன் பவுண்டுகளை ($623.11 மில்லியன்) மட்டுமே அதிகரிப்பதற்கு அனுமதி வழங்கப்பட்டுள்ளது.
இதற்கு அமைவாக ஆங்கிலியன் வோட்டர் (Anglian Water), நார்தம்பிரியன் வோட்டர் (Northumbrian Water), சவுத் ஈஸ்ட் வோட்டர் (South East Water), சவுத்தன் வோட்டர் (Southern Water) மற்றும் வெசெக்ஸ் வோட்டர் (Wessex Water) ஆகியவை சராசரி கட்டணத்தை சராசரியாக 2.2 சதவீதம் உயர்த்த அனுமதிக்கப்படவார்கள் என்று இங்கிலாந்து அரசு கட்டுப்பாட்டு அமைப்பான போட்டி மற்றும் சந்தைகள் ஆணையம் (CMA) கூறியது.
இது கடந்த ஒக்டோபரில் தற்காலிகமாக வழங்கப்பட்ட 3 சதவீத சராசரி அதிகரிப்பை விடக் குறைவாகும்.
ஐந்து நிறுவனங்களும் இங்கிலாந்து முழுவதும் சுமார் 15 மில்லியன் வீடுகளுக்கு “குடிநீர் மற்றும் கழிவுநீர் சேவைகளை வழங்குகின்றன.
