வட அயர்லாந்து நாடாளுமன்ற உறுப்பினர்கள் , தங்களது பயணங்களுக்காக ஏற்கனவே அரசாங்கத்திடமிருந்து கணிசமான பயணப்படியைப் பெற்று வரும் நிலையிலும், நாடாளுமன்ற வளாகத்தில் தங்களது மின்சார வாகனங்களுக்கு இலவசமாக ‘சார்ஜ்’ செய்துகொள்ளும் சலுகையையும் பெற்று வருவது பெரும் சர்ச்சையை ஏற்படுத்தியுள்ளது.
நாடாளுமன்ற உறுப்பினர்கள் மற்றும் ஊழியர்களின் பயன்பாட்டிற்காக, ஸ்டோர்மாண்ட் நாடாளுமன்றக் கட்டிடத்திற்குப் பின்னால் மின்சார வாகனங்களை சார்ஜ் செய்யும் புள்ளிகள் அமைக்கப்பட்டுள்ளன.
இந்த நிலையில் , நாடாளுமன்ற உறுப்பினர்கள் ஸ்டோர்மாண்டிற்கு வருகை தருவதற்காக, அவர்கள் பயணிக்கும் தூரத்தின் அடிப்படையில் ஆண்டுக்கு அதிகபட்சமாக சுமார் £7,000 வரை பயணப்படியாகப் பெற ஏற்கனவே தகுதி பெற்றுள்ளனர்.
இந்தச் சூழ்நிலையில், அவர்களுக்கு இலவச சார்ஜிங் வசதியும் வழங்கப்படுவது குறித்து அரசியல் விமர்சகர்கள் கடுமையான கண்டனங்களை வெளியிட்டுள்ளனர்.
