வட்டவல ரயில் நிலையத்தில் மண் மேடு ஒன்று சரிந்து விழுந்ததில் ஒருவர் காயம் !

அப்பகுதியில் பெய்த கனமழையின் காரணமாக, ரயில் நிலையத்திற்குப் பின்னால் இருந்த மண் மேடு சரிந்ததால், வட்டவல புகையிரத நிலையம் பலத்த சேதமடைந்துள்ளது.

இன்று (03) பிற்பகல் சுமார் 2 மணியளவில் மண் மேடு சரிந்ததாகவும், இதன்போது அங்கு இருந்த ஒரு ஊழியருக்கு லேசான காயங்கள் ஏற்பட்டதாகவும் வட்டவல பொலிஸார் தெரிவிக்கின்றனர்.

இதற்கிடையில், ஹட்டன் ஓயா ஆற்றில் ஏற்பட்ட வெள்ளப்பெருக்கின் காரணமாக, வட்டவலவின் ஞானானந்தா கிராமப் பகுதியைச் சேர்ந்த ஒருவர் வெள்ள நீரில் அடித்துச் செல்லப்பட்டார்.

அவரைத் தேடும் பணியை ஏற்கனவே தொடங்கியுள்ளதாக வட்டவல பொலிஸார் கூறுகின்றனர்.

மத்திய மலைகளின் மேற்குச் சரிவுகளில் கடந்த 3 நாட்களாகப் பெய்து வரும் கனமழையால், ஹட்டனிலிருந்து கினிகத்தேன செல்லும் பிரதான சாலையில் இன்று (03) 5 இடங்களில் பெரிய மண் மேடுகள் சரிந்துள்ளன என்று நோர்வூட் நிர்வாகப் பொறியாளர் ஏ.எம். சாதிக் கூறுகிறார்.