மேலாண்மை சேவை அலுவலர்கள் சேவையின் உயர் தர அலுவலர்களுக்கான 2027 ஆம் ஆண்டுக்கான வருடாந்திர இடமாற்றங்களைச் செயல்படுத்துவதற்குப் பொது நிர்வாக, மாகாண சபைகள் மற்றும் உள்ளூராட்சி அமைச்சு நடவடிக்கை எடுத்துள்ளது.
பொது நிர்வாகச் சுற்றறிக்கை எண் 18/2026 இன் படி, குறித்த இடமாற்றங்கள் 2027 ஆம் ஆண்டு ஜனவரி 01 ஆம் திகதி முதல் நடைமுறைக்கு வரவுள்ளன.
அதற்கமைய, ஒரே பணியிடத்தில் 05 ஆண்டுகள் சேவையாற்றிய அலுவலர்கள் கட்டாய இடமாற்றத்திற்கு உட்படுத்தப்படுவதுடன், 02 ஆண்டுகள் சேவையாற்றிய அலுவலர்களும் இடமாற்றத்திற்கு விண்ணப்பிக்கத் தகுதியுடையவர்களாவர்.
இதற்கான விண்ணப்பங்களை `misco.pubad.gov.lk/misco` என்ற இணையத்தளம் மூலமாக மட்டுமே இணையவழியில் சமர்ப்பிக்க வேண்டும் என அறிவுறுத்தப்பட்டுள்ளது.
விண்ணப்பிக்கும் அலுவலர்கள் தமது அடிப்படைத் தகவல்கள் மற்றும் சேவை விபரங்களைத் துல்லியமாகப் புதுப்பிப்பது கட்டாயமாக்கப்பட்டுள்ளதுடன், 2026 ஓகஸ்ட் 25 முதல் டிசம்பர் 31 வரை நிராகரிக்கப்படும் விண்ணப்பங்கள் மீண்டும் ஏற்றுக்கொள்ளப்படமாட்டாது எனவும் சுற்றறிக்கையில் தெளிவுபடுத்தப்பட்டுள்ளது.
மேலும், இடமாற்ற உத்தரவுகள் பிறப்பிக்கப்பட்ட 14 நாட்களுக்குள் அதற்கெதிரான மேல்முறையீடுகளை உரிய அதிகாரிகளிடம் சமர்ப்பிக்க வேண்டும் எனவும் அமைச்சு அறிவித்துள்ளது.
