ஆண்டின் முதலாவது கிராண்ட்ஸ்லாம் அந்தஸ்து பெற்ற அவுஸ்ரேலிய பகிரங்க டென்னிஸ் தொடரில், டிமிட்ரோவ் அதிர்ச்சி தோல்வியடைந்துள்ளார் மற்றும் ஒசாகா எளிதான வெற்றியை பதிவுசெய்து அடுத்த சுற்றுக்குள் நுழைந்தார்.
முதலாவதாக ஆண்களுக்கான ஒற்றையர் பிரிவு காலிறுதிப் போட்டியின் முடிவினை பார்க்கலாம்.
ஆண்களுக்கான ஒற்றையர் பிரிவு காலிறுதிப் போட்டியொன்றில், பல்கேரியாவின் கிரிகோர் டிமிட்ரோவ், ரஷ்யாவின் அஸ்லான் கராட்சேவ்வை எதிர்கொண்டார்.
விறுவிறுப்பாக நடைபெற்ற இப்போட்டியில், 2-6, 6-4, 6-1, 6-2 என்ற நேர் செட் கணக்குகளில் வெற்றிபெற்று அரையிறுதிக்கு முன்னேறினார்.
பெண்களுக்கான ஒற்றையர் பிரிவு காலிறுதிப் போட்டியொன்றில், ஜப்பானின் நவோமி ஒசாகா, தாய்வானின் சு வெய்யுடன் மோதினார்.
பரபரப்பாக நடைபெற்ற இப்போட்டியில், ஜப்பானின் நவோமி ஒசாகா, 6-2, 6-2 என்ற நேர் செட் கணக்குகளில் வெற்றிபெற்று அரையிறுதிக்குள் அடியெடுத்து வைத்தார்.
இன்னொரு பெண்களுக்கான ஒற்றையர் பிரிவு காலிறுதிப் போட்டியொன்றில், அமெரிக்காவின் முன்னணி செரீனா வில்லியம்ஸ், ரோமேனியாவின் சிமோனா ஹெலப்புடன் பலப்பரீட்சை நடத்தினார்.
எதிர்பார்ப்பு மிக்க இப்போட்டியில், செரீனா வில்லியம்ஸ், 6-3, 6-3 என்ற நேர் செட் கணக்குகளில் வெற்றிபெற்று அரையிறுதிக்குள் நுழைந்தார்.
