தென்மேற்கு இங்கிலாந்தில் முன்னெடுக்கப்பட்ட போராட்டத்தில், 20 பொலிஸ் அதிகாரிகள் காயமடைந்துள்ளனர்.
அத்துடன், இந்த வன்முறையின் போது பொலிஸாரின் வாகனங்கள் தீக்கிரையாக்கப்பட்டதோடு பொலிஸ் நிலையமும் தாக்குதலுக்குள்ளானது.
பிரித்தானியாவில் போராட்டங்களைக் கட்டுப்படுத்த பொலிஸாருக்கு கூடுதல் அதிகாரம் அளிக்க சட்டமூலம் நாடாளுமன்றத்தில் தாக்கல் செய்யப்பட்டுள்ளது.
இதற்கு எதிர்ப்பு தெரிவித்து, கொவிட் கட்டுப்பாட்டு விதிமுறைகளை மீறி பிரிஸ்டாலில் போராட்டக்காரர்கள் பேரணி நடத்தினர்
இதன்போது போராட்டக்காரர்களுக்கும் பொலிஸாருக்கும் இடையே மோதல் ஏற்பட்டது. இதனைத்தொடர்ந்து போராட்டக்காரர்கள் கற்கள் மற்றும் போத்தல்களை பொலிஸார் மீது வீசி தாக்குதல் நடத்தினர்.
இதனிடையே பொலிஸார் மீதான இந்தத் தாக்குதல் ஏற்றுக்கொள்ள முடியாதது என உட்துறை அமைச்சர் பிரீதி படேல் கண்டனம் தெரிவித்துள்ளார்.
‘கில் தி பில்’ என பெயரிடப்பட்ட இந்த போராட்டத்துக்கு அரசாங்கமும் உள்ளூர் சட்டமன்ற உறுப்பினர்களும் கண்டனம் வெளியிட்டனர்.
