கொரோனா வைரஸ் தொற்று பரவலை கட்டுப்படுத்தும் நடவடிக்கை குறித்து முதலமைச்சர் மு.க.ஸ்டாலின் ஆலோசனை கூட்டமொன்றினை இன்று (செவ்வாய்க்கிழமை) நடத்தவுள்ளார்.
தலைமைச் செயலகத்தில் காணொளி ஊடாக மாவட்ட ஆட்சியர்களுடன், முதலமைச்சர் இன்று (செவ்வாய்க்கிழமை) காலை 11 மணிக்கு, ஆலோசனை கூட்டத்தை நடத்தவுள்ளார்.
இதன்போது கொரோனா தடுப்புப் பணிகள் மற்றும் மாநில வளர்ச்சிப் பணிகள் ஆகியவை தொடர்பாகவும் கூட்டத்தில் கலந்துரையாடப்படும் என எதிர்பார்க்கப்படுகின்றது.
மேலும் பொதுப் போக்குவரத்தைத் தொடங்குவதற்கான சாத்தியங்கள் இருக்கின்றதா என்பது தொடர்பாகவும் ஆலோசிக்கவுள்ளதாக தெரிவிக்கப்படுகின்றது.
இதேவேளை தமிழகத்தில் தளர்வுகளுடன் கூடிய முழு ஊரடங்கு இன்று முதல் ஒரு வாரத்துக்கு மேலும் நீட்டிக்கப்பட்டுள்ளமை குறிப்பிடத்தக்கது.
