மத்திய பாதுகாப்புத்துறை அமைச்சர் ராஜ்நாத் சிங்கின் 70 ஆவது பிறந்த தினத்தை முன்னிட்டு பிரதமர் நரேந்திர மோடி வாழ்த்து தெரிவித்துள்ளார்.
பிரதமர் நரேந்திர மோடி ருவிட்டர் ஊடாக வெளியிட்டுள்ள வாழ்த்துச் செய்தி பதிவில், ”மூத்த மத்திய அமைச்சர் ராஜ்நாத் சிங்குக்கு எனது பிறந்தநாள் வாழ்த்துகள்.
அமைச்சர் ராஜ்நாத் சிங், தனது அன்பான குணத்துக்காகவும் மதிநுட்பத்துக்காகவும் போற்றப்படுகின்றார்.
இத்தகையவர் தேசத்தின் சேவைக்காக நீண்டகாலம் ஆரோக்கியமாக வாழவேண்டும் என இறைவனிடம் பிராத்திக்கிறேன்” என பதிவேற்றியுள்ளார்.
இதேபோன்று மத்திய உள்துறை அமைச்சர் அமித் ஷா, பா.ஜ.க தேசியத் தலைவா் ஜெ.பி.நட்டா, ஏனைய அமைச்சர்கள் மற்றும் அரசியல்வாதிகள் உள்ளிட்ட பலரும் ராஜ்நாத் சிங்குக்கு பிறந்தநாள் வாழ்த்து தெரிவித்து வருகின்றமை குறிப்பிடத்தக்கது.
