தமிழ்நாட்டிற்கு ஒரு கோடி கொரோனா தடுப்பூசிகளை சிறப்பு ஒதுக்கீடாக வழங்க வேண்டும் என பிரதமர் நரேந்திர மோடிக்கு முதலமைச்சர் மு.க.ஸ்டாலின் வேண்டுகோள் விடுத்துள்ளார்.
இது குறித்து அவர் எழுதியுள்ள கடிதத்தில், தமிழகத்தில் நாளுக்கு நாள் அதிகரித்து வரும் தடுப்பூசி தேவையை பூர்த்தி செய்வது கடினமாக உள்ளதாகவும் குறிப்பிட்டுள்ளார்.
அதேநேரம் கொரோனா தடுப்பூசி விநியோகத்தில் உள்ள ஏற்றத் தாழ்வுகளை சரி செய்ய வேண்டும் எனவும் வலியுறுத்தியுள்ளார்.
மக்கள் தொகை அடிப்படையில் தமிழகத்திற்கு உரிய கொரோனா தடுப்பூசிகளை ஒதுக்க வேண்டும் எனவும், தடுப்பூசிக்கு தகுதியான ஆயிரம் பேருக்கு 302 டோஸ் என்கிற குறைந்த அளவில் தான் தமிழகத்திற்கு ஒதுக்கீடு செய்யப்படுவதாகவும் அவர் தெரிவித்துள்ளார்.
