காபூல் விமான நிலையத்தில் ஆப்கன் வீரர்களுக்கும் அடையாளம் தெரியாத சிலருக்கும் இடையே நடந்த துப்பாக்கிச்சூட்டு சம்பவத்தில், ஆப்கான் வீரர் ஒருவர் கொல்லப்பட்டதாக அங்குள்ள ஜேர்மனி இராணுவம் தெரிவித்துள்ளது.
விமான நிலையத்தின் வடக்கு நுழைவாயிலில் இன்று அதிகாலை இந்த சம்பவம் நடந்ததாகவும் சம்பவத்தில் 3 பேர் காயமடைந்ததாகவும் ஜேர்மனி இராணுவம் தெரிவித்துள்ளது.
மேலும் இந்த சம்பவம் இடம்பெற்றபோது ஜேர்மனி மற்றும் அமெரிக்க இராணுவ வீரர்கள் இணைந்து ஆப்கன் வீரர்களுக்கு ஆதரவாக மோதலில் ஈடுபட்டதாகவும் தெரிவிக்கப்பட்டுள்ளது.
ஆப்கானிஸ்தானை தலிபான்கள் கைப்பற்றினாலும், காபூல் விமான நிலையம், அமெரிக்கா மற்றும் ஜேர்மனி, பிரித்தானியா உள்ளிட்ட நேட்டோ நாட்டுப் படைகளின் கட்டுப்பாட்டில் உள்ளமை குறிப்பிடத்தக்கது.
