உலகக்கிண்ண இருபதுக்கு 20 கிரிக்கெட் தொடரில் மேற்கிந்திய தீவுகள் அணிக்கு எதிரான போட்டியில் இங்கிலாந்து அணி 06 விக்கெட்டுக்களால் வெற்றி பெற்றுள்ளது.
நேற்று இடம்பெற்ற சுப்பர் 12 சுற்றின் இரண்டாவது போட்டியில் நாணய சுழற்சியில் வெற்றிபெற்ற இங்கிலாந்து அணி முதலில் களத்தடுப்பை தெரிவு செய்தது.
இதற்கமைய முதலில் துடுப்பாடிய மேற்கிந்திய தீவுகள் அணி 14.2 ஓவர்கள் நிறைவில் சகல விக்கெட்டுக்களையும் இழந்து 55 ஓட்டங்களைப் பெற்றுக் கொண்டது.
அணி சார்பாக கிறிஸ் கெய்ல் அதிகபட்சமாக 13 மட்டுமே பெற்றுக்கொடுக்க மற்றய அனைத்து வீரர்களும் ஒற்றை இலக்க ஓட்டத்துடன் ஆட்டமிழந்தனர்.
இதனை அடுத்து 56 என்ற வெற்றியிலக்கை நோக்கித் துடுப்பாடிய இங்கிலாந்து அணி 8.2 ஓவர்கள் நிறைவில் 4 விக்கெட்டுக்களை இழந்து 56 ஓட்டங்களைப் பெற்று வெற்றிபெற்றது.
இப்போட்டியின் ஆட்டநாயகனாக பந்துவீச்சில் இரண்டு விக்கெட்களை வீழ்த்திய இங்கிலாந்து அணி வீரர் மெயின் அலி தெரிவு செய்யப்பட்டார்.
