இலங்கை அணியின் சூழலில் சாய்ந்த மேற்கிந்திய தீவுகள் அணி

இலங்கை அணிக்கு எதிரான இரண்டாவது டெஸ்ட் போட்டியில் முதல் இன்னிங்ஸிற்காக மேற்கிந்திய தீவுகள் அணி 253 ஓட்டங்களை பெற்றுக்கொண்டது.

தற்போது இடம்பெற்றுவரும் 3 ஆம் நாள் ஆட்டத்தில் அவ்வணி சார்பாக அணித்தலைவர் கிரேக் பிராத்வைட் 72 ஓட்டங்களையும் ஜெர்மைன் பிளாக்வுட் 44 ஓட்டங்களையும் பெற்றுக்கொண்டனர்.

பந்துவீச்சில் இலங்கை அணி சார்பாக ரமேஷ் மெண்டிஸ் 6 விக்கெட்களையும் லசித் எம்புல்தெனிய மற்றும் பிரவீன் ஜெயவிக்ரம ஆகியோர் தலா 2 விக்கெட்களையும் வீழ்த்தினர்.

இப்போட்டியில் நாணய சுழற்சியில் வெற்றிபெற்றிருந்த இலங்கை அணி முதலில் துடுப்பெடுத்தாட தீர்மானித்து 204 ஓட்டங்களை பெற்றிருந்தமை குறிப்பிடத்தக்கது.