லங்கா ப்ரீமியர் லீக் தொடரில் நேற்று இடம்பெற்ற போட்டிகளில் கொழும்பு ஸ்டார்ஸ் அணியும் கோல் க்ளடியேட்டர்ஸ் அணியும் வெற்றிபெற்றுள்ளன.
நேற்று இடம்பெற்ற முதலாவது போட்டியில் நாணய சுழற்சியில் வெற்றிபெற்ற கொழும்பு ஸ்டார்ஸ் அணி முதலில் களத்தடுப்பில் ஈடுபடத் தீர்மானித்தது.
இதற்கமைய, முதலில் துடுப்பெடுத்தாடிய கண்டி வாரியஸ் அணி நிர்ணயிக்கப்பட்ட 20 ஓவர்கள் நிறைவில் 9 விக்கெட்டுக்களை இழந்து 146 ஓட்டங்களை பெற்றது.
இதையடுத்து, 147 என்ற வெற்றி இலக்கை நோக்கி பதிலளித்தாடிய கொழும்பு ஸ்டார்ஸ் அணி, 19.4 ஓவர்களில் 5 விக்கெட்டுக்களை இழந்து 150 ஓட்டங்களைப் பெற்று வெற்றியடைந்தது.
இதேவேளை மழை காரணமாக 14 ஓவர்களுக்கு மட்டுப்படுத்தப்பட்ட மற்றுமொரு போட்டியில் முதலில் துடுப்பெடுத்தாடிய கோல் க்ளடியேட்டர்ஸ் அணி, 7 விக்கெட்டுக்களை இழந்து 134 ஓட்டங்களைப் பெற்றது.
பின்னர் 135 என்ற வெற்றி இலக்கை நோக்கிப் பதிலளித்தாடிய தம்புள்ள ஜயண்ட்ஸ் அணி, 14 ஓவர்களில் 125 ஓட்டங்களை மாத்திரமே பெற்று தோல்வியடைந்தது.
