அவுஸ்ரேலியா மற்றும் பாகிஸ்தான் அணிகளுக்கிடையிலான மூன்றாவது டெஸ்ட் போட்டியின், இரண்டாம்நாள் ஆட்டம் நிறைவுக்கு வந்துள்ளது.
இதன்படி முதல் இன்னிங்ஸிற்காக துடுப்பெடுத்தாடிவரும் பாகிஸ்தான் அணி, இன்றைய இரண்டாம்நாள் ஆட்டநேர முடிவில், 1 விக்கெட் இழப்புக்கு 90 ஓட்டங்களை பெற்றுக்கொண்டது.
ஆட்டநேர முடிவில், அப்துல்லா சபீக் 45 ஓட்டங்களுடனும் அசார் அலி 30 ஓட்டங்களுடனும் ஆட்டமிழக்காது களத்தில் இருந்தனர்.
அவுஸ்ரேலியக் கிரிக்கெட் அணியின் முதல் இன்னிங்ஸ் ஓட்டங்களுடன் ஒப்பிடுகையில், பாகிஸ்தான் அணி 31 ஓட்டங்கள் பின்னிலையில் உள்ளது.
லாகூர் மைதானத்தில் கடந்த 21ஆம் திகதி ஆரம்பமான இப்போட்டியில், நாணய சுழற்சியில் வெற்றிபெற்ற அவுஸ்ரேலியா அணி முதலில் துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாடிய அவுஸ்ரேலியா அணி, முதல் இன்னிங்ஸிற்காக 391 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, உஸ்மான் கவாஜா 91 ஓட்டங்களையும், கேமரூன் கிறீன் 79 ஓட்டங்களையும் அலெக்ஸ் கெர்ரி 67 ஓட்டங்களையும் பெற்றுக்கொண்டனர்.
பாகிஸ்தான் கிரிக்கெட் அணியின் பந்துவீச்சில், ஷாயின் ஷா அப்ரிடி மற்றும் நஷீம் ஷா ஆகியோர் தலா 4 விக்கெட்டுகளையும் நவுமான் அலி மற்றும் சஜித்கான் ஆகியோர் தலா 1 விக்கெட்டினையும் வீழ்த்தினர்.
இதனைத்தொடர்ந்து பதிலுக்கு முதல் இன்னிங்சை தொடங்கிய பாகிஸ்தான் அணி, இன்றைய இரண்டாம்நாள் ஆட்டநேர முடிவில், 1 விக்கெட் இழப்புக்கு 90 ஓட்டங்களை பெற்றுக்கொண்டது.
இன்னமும் 9 விக்கெட்டுகள் வசமுள்ள நிலையில், போட்டியின் மூன்றாம் நாள் ஆட்டத்தை பாகிஸ்தான் அணி, நாளை தொடரவுள்ளது.
