கிராண்ட்ஸ்லாம் அந்தஸ்து பெற்ற விம்பிள்டன் டென்னிஸ் தொடரில், மூன்றாவது சுற்றுப் போட்டிகளில் நோவக் ஜோகோவிச் மற்றும் எலீஸ் மெர்டன்ஸ் ஆகியோர் வெற்றிபெற்று அடுத்த சுற்றுக்கு முன்னேறியுள்ளனர்.
ஆண்களுக்கான ஒற்றையர் பிரிவு மூன்றாவது சுற்றுப் போட்டியில், செர்பியாவின் முன்னணி வீரரான நோவக் ஜோகோவிச், சகநாட்டு வீரரான மியோமிர் கெக்மனோவிக்கை எதிர்கொண்டார்.
இப்போட்டியில், சிறப்பாக விளையாடிய நோவக் ஜோகோவிச், 6-0, 6-3, 6-4 என்ற நேர் செட் கணக்குகளில் வெற்றிபெற்று அடுத்த சுற்றுக்கு முன்னேறினார்.
பெண்களுக்கான ஒற்றையர் பிரிவு மூன்றாவது சுற்றுப் போட்டியில், பெல்ஜியத்தின்; எலீஸ் மெர்டன்ஸ், ஜேர்மனியின் ஏஞ்சலிக் கெர்பருடன் மோதினார்.
இப்போட்டியில் எலீஸ் மெர்டன்ஸ், 6-4, 7-5 என்ற நேர் செட் கணக்குகளில் வெற்றிபெற்று அடுத்த சுற்றுக்கு தகுதிபெற்றார்.
