லங்கா பிரீமியர் லீக் ரி-20 தொடரின் முதலாவது லீக் போட்டியில், விளையாடிவரும் லைக்கா ஜப்னா கிங்ஸ் அணி, காலி க்ளேடியேட்டர்ஸ் அணிக்கு 138 ஓட்டங்களை வெற்றி இலக்காக நிர்ணயித்துள்ளது.
ஹம்பாந்தோட்டையில் நடைபெற்றுவரும் இப்போட்டியில், நாணய சுழற்சியில் வெற்றிபெற்ற காலி க்ளேடியேட்டர்ஸ் அணி முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய லைக்கா ஜப்னா கிங்ஸ் அணி, 19.5 ஓவர்கள் நிறைவில், அனைத்து விக்கெட்டுகளையும் இழந்து 137 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, சோயிப் மாலிக் மற்றும் துனித் வெல்லாலகே ஆகியோர் தலா 30 ஓட்டங்களையும் தனஞ்சய டி சில்வா 29 ஓட்டங்களையும் பெற்றுக்கொண்டனர்.
காலி க்ளேடியேட்டர்ஸ் அணியின் பந்துவீச்சில், வஹாப் ரியாஸ், இமாட் வசிம், நுவான் துசார, நுவான் பிரதீப் மற்றும் இப்தீகார் அஹமட் ஆகியோர் தலா 2 விக்கெட்டுகளை வீழ்த்தினர்.
தற்போது 138 ஓட்டங்கள் என்ற வெற்றி இலக்கை நோக்கி, காலி க்ளேடியேட்டர்ஸ் அணி துடுப்பெடுத்தாடவுள்ளது.
